鄧麗欣首次紅館個唱 「STEP by STEPHY」展現22年歌唱旅程

鄧麗欣（Stephy）將於2025年3月14日及15日，在香港紅磡體育館舉行她的首次個人演唱會「STEP by STEPHY 鄧麗欣紅館演唱會2025」。這次演唱會不僅是她出道22年來的首次紅館個唱，更是她音樂生涯的一個重要里程碑。「演唱會名字寓意我入行到依家咁多年，一步一步行到上嚟呢一步，終於達成喺歌唱事業上嘅心願！」鄧麗欣興奮地分享。演唱會的票價設有三個等級，分別為港幣$1180、$680和$480，而優先訂票將於2024年12月2日早上10時開始。

演唱會海報拍攝花絮

在準備演唱會的過程中，Stephy特別為海報拍攝穿上了一件黑色的高貴晚裝長裙，長裙簡潔而有型，與紅色背景形成鮮明對比。「今次拍攝主題係『簡單』，我哋想帶出嘅訊息，唔係靠外在配搭或服飾去講故事。希望以簡單、俐落去呈現最真實、最舒服嘅我！」她笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少皺褶，為咗呈現利落嘅形態，擺甫士都好花力氣，好彩我不時有拉筋和練瑜伽，先至可以應付到。」在拍攝現場，幾把風扇從不同方向吹著她的秀髮，增添了拍攝的挑戰。「其實都辛苦大家要企高和趴地，唔同角度幫我吹風。我係今日嚟到先知道條裙咁窄，所以大家開餐我都唔敢食嘢，只係食咗兩粒番仔。」

演唱會曲目與期待

對於即將在紅館舉行的演唱會，Stephy感到既興奮又緊張。「猶豫咗好耐『係咪真㗎？』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」她透露，演唱會將包括多首經典歌曲，其中《Fantasy Tale》是必唱之選。「呢首歌俾大家好多回憶，或者好多唔同嘅意義，係一首好開心嘅歌。」此外，她還計劃在演唱會上進行一些驚喜表演，目前仍在構思階段。