郭富城8年後重返紅館舞台全新舞蹈陣容期待爆棚

距離郭富城（Aaron）第九次踏上紅館的個人演唱會僅剩五天，他近日接受了TVB娛樂新聞台節目《StarTalk》的專訪。訪問中，他由主播許文軒（Edmond）主持，談及自己與紅館的再次相遇。「8年前開過紅館演唱會，做完之後，其實覺得都要隔一段時間先再做，最低限度4年。中間一直都係電影產量比較多，估唔到4年又4年，要隔8年先再做，原來8年都係一個幾長嘅時間！(係咪餓咗好耐？)餓？直頭饑荒，因為每次喺紅館做演唱會都會推到個人去到最高，好期待今次企喺紅館上，可以推到自己幾高！」Aaron分享了他的期待與興奮。

全新舞蹈陣容，期待爆棚

為了這次的演唱會，Aaron準備了全新的舞蹈編排，並且特別期待這次的表演。「喺我嘅團隊當中，有好多舞蹈員跟咗我好耐，有啲結埋婚㖭，但係依然對跳舞充滿熱誠，今次加咗啲新嘅舞蹈員、年輕嘅舞蹈員，可以新舊融合，大家一齊交流，而且今次又有美國嘅排舞師嚟幫手，協助同提昇佢哋嘅舞蹈同技術。」

家庭生活與對下一代期望

談及家庭，Aaron透露他不會強迫自己的女兒從事演藝工作，但他們已經展現出對藝術的興趣。「佢已經有我嘅因子，自動波！佢哋兩三歲嘅時候已經上芭蕾舞堂，亦有學唱歌！不過我會比佢哋自由發展，我唔係一個專制嘅爸爸，佢哋鍾意就比佢哋試。同埋我已經教定佢《想見便遇見》呢首歌嘅小動作。」

身為父親生活變化

Aaron也提到，作為一名父親，他的生活方式有了很大的改變。「而家係爸爸，間唔中好似放假都要帶小朋友出去食飯，佢哋好期待，我覺得作為爸爸係應該。(以前好鍾意打邊爐？)依家好少，呢七年通常都係屋企食飯多，因為自己係一個family man，人生改變咗好多。」