袁偉豪再爆Seed鬧「繼續無限放大?」 之後疑龜縮del Po!
廣告
無綫小生袁偉豪一向好火氣,近日佢疑似又爆Seed鬧人。事緣他接受《Star Talk》的訪問於18/11播出,提到近年成為箭靶被攻擊而壓力太大,加上近日《愛.回家之開心速遞》播出一集,當中角色KC有句對白:「我而家欠咗你班傳媒呀?」又出現「軟飲王」情節,似衝著袁偉豪而來,難怪他晚上再出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」不過轉頭又好似龜縮Del Po!
重現「而家欠咗你班傳媒呀?」對白
袁偉豪早前被冠以「三億駙馬」,又被網民開post群插走樣,曾嬲豬發長文爆Seed,今年九月,金像獎最佳男配角得主馮皓揚退修TVB藝員訓練班的相關新聞中,導師之一的袁偉豪被網民質疑導師資格,事後袁偉豪在Facebook轉發相關的報道,嬲嬲留言:「我欠咗你哋班傳媒?」
湊巧向來貼地的TVB處境劇《愛回家之開心速遞》昨晚播出一集,講到KC因為節目腰斬,被傳媒追訪期間同記者交惡,爆seed話:「你質夠我未呀?我而家欠咗你班傳媒呀?」完全是以袁偉豪鬧傳媒事件做故事素材,對白又有出現「軟飲王」、「靠姐夫上位」情節。
質疑傳媒「點解永遠錯重點」?
再加上昨晚播出袁偉豪接受《Star Talk》的訪問,除宣傳新歌及分享製作心得外,袁偉豪亦提出成為眾人箭靶感到壓力大和不公平:「其實好大壓力,但我好被動,嗰段時間好低潮,好迷失,覺得工作上付出咗咁多,但反而外來嘅聲音,專注唔係工作上,而且仲成為箭靶,覺得有啲唔公平,變咗有一種好失落嘅感覺,成個人都冇晒光彩,跌咗落漩渦中。」袁偉豪再度於晚上出po爆seed:「點解啲報道,永遠都係錯重點?明明係宣傳新歌,講吓近況,但係永遠出嚟就係錯重點嘅呢?又繼續無限放大 ?」他更希望大家不要搬字過紙,集中在他的音樂作品上,不過袁偉豪未知何解,今日已刪走這個限時動態!
圖片來源:IG@benontheroad、TVB《愛回家》截圖資料或影片來源:原文刊於東方新地