袁偉豪再講「仍好介意被指醜樣」:目標是供滿層樓,寫返老婆個名!再三澄清不是因為「造人」殘晒
廣告
近日袁偉豪忙於拍攝TVB新劇《把關者門》,更與高層曾志偉新抱王敏奕做對手戲。袁偉豪今次靚樣回歸,獲得監製關樹明和王敏奕大讚靚仔,即刻睇睇咩事!
撰文:Lmc丨圖片:袁偉豪@IG丨編輯:海月
袁偉豪再講「仍好介意被指醜樣」
袁偉豪自與「底褲大王」女兒張寶兒拍拖後一直被指食軟飯,二人結婚後袁偉豪升呢做三億駙馬,又被網友笑他是「張太」。他早前出席《萬千星輝頒獎禮》時,被網友狠批膠面和醜男。對此,袁偉豪嬲到發長文大呻,又與網友開火。近日他決定一雪前恥,大曬胸肌,所以今次回歸為TVB新劇《把關者門》拍煞科,獲得監製關樹明和王敏奕大讚靚仔。
![袁偉豪自與「底褲大王」女兒張寶兒拍拖後一直被指食軟飯](https://imgs.nmplus.hk/wp-content/uploads/2021/03/146278917_4983768554998808_7014736726466265368_n_2079182246604d7937b508e-1024x1024.jpeg)
袁偉豪介意被指走樣:「呢行飯好難食㗎!」
對於被讚靚仔,袁偉豪表示:「呢行飯好難食㗎!」明顯仍是十分介意網友的攻擊,他又提到:「本身唔係好靚,亦都唔係醜樣,始終因為疫情,屈喺屋企就會爭少少。」袁偉豪續指現時寧願跑步出咗一身汗去埋位,好過做完健身去埋位。他最近又食得好清,只食椰菜花飯,亦戒掉晚飯,看來真的下了不少苦功。受到網友批評,但袁偉豪得到監製關樹明大讚,關樹明指袁偉豪:「梗係覺得佢得啦,男主角嚟嘛,最buy佢肯默默付出。」
![對於被讚靚仔,袁偉豪表示:「呢行飯好難食㗎!」](https://imgs.nmplus.hk/wp-content/uploads/2021/03/135670694_747205569254555_7118307407088199226_n_1694040912604d7933dfcd4-819x1024.jpeg)
袁偉豪澄清不是因為「造人」做到殘晒
被問袁偉豪是不是因為「造人」做到殘晒,他就立即否認,又提到自己時間會分得好好,自己也不是18、22那時候好精力。袁偉豪又講到40歲要更養生,也會專注在音樂創作和休息方面。
![被問袁偉豪是不是因為「造人」做到殘晒,他就立即否認](https://imgs.nmplus.hk/wp-content/uploads/2021/03/153682410_1126696151134013_2920094171596957762_n_467919317604d79450938d-819x1024.jpeg)
袁偉豪提醒王敏奕:只要謙卑、認真工作就夠
面對負評,袁偉豪似乎有不少心得,因此他又提醒王敏奕只要謙卑、認真工作態就夠,袁偉豪講到:「如我狀態唔好,個樣衰啲,咪做返好佢囉!不過呢行飯好難食,拍條片個樣好啲,又畀人話用咗濾鏡,是旦啦,我唔用你都用㗎啦!又話我唔化妝好殘,個樣衰成咁,講咁多你想我點先?返屋企瞓覺啦!」
![面對負評,袁偉豪似乎有不少心得,因此他又提醒王敏奕只要謙卑、認真工作態就夠](https://imgs.nmplus.hk/wp-content/uploads/2021/03/131342732_147013603594168_713659470231641216_n_1315433746604d792ac6bc2-1024x1024.jpeg)
袁偉豪:目標是供滿層樓,寫返老婆個名
一講起網友,袁偉豪越講越嬲,他表示正經經打官腔嘢被拍假,真心回應又被指有態度,究竟自己為別人而活定為自己而活。最後他講到煩緊幾時要供樓,要靠這幾年努力去賺錢,然後目標是供滿層樓,寫返老婆個名,但現時要靠兩個人才供得到。
![一講起網友,袁偉豪越講越嬲](https://imgs.nmplus.hk/wp-content/uploads/2021/03/131411827_405478843932936_6032891082538491043_n_1834520402604d792f94526-819x1024.jpeg)