自駕德島丨陳懿德郭珮文泳裝上陣派福利 黃金畫面曝光犯規爆燈！
廣告
TVB台慶綜藝《自駕德島》由黎諾懿、陳懿德（德德）及郭珮文（Juliana）主持，節目將於明晚（2日）首播，並由3位主持帶住大家同遊日本四國德島嘅秘境。而節目除咗有日本嘅靚境之外，當然唔少得靚人出鏡！首集仲會有陳懿德同郭珮文齊齊以泳裝登場，2位有料之人將會連環多角度騷世一身材，畫面真係既震撼又視覺效果爆燈！
自駕德島丨陳懿德泳裝多角度騷事業線
主持之一嘅陳懿德在第1集就會孖住郭珮文以泳裝上陣，齊齊浸住溫泉出鏡，為觀眾送上唔少精彩嘅視覺享受。陳懿德以超醒神嘅紅色三點式示人，仲有夾胸玩水同高炒嘅精彩鏡頭，福利程度爆燈兼力撼同場嘅「最強咪神」郭珮文！
自駕德島丨郭珮文「蠱惑窿」極犯規
去年參選港姐後入行嘅郭珮文被網民封為「最強咪神」，今次再孖住陳懿德拍綜藝嘅Juliana就十分識做，以中間開窿嘅綁帶泳裝出鏡，大騷極深長事業線回饋觀眾。郭珮文嘅極震撼上圍真係連身材向來出眾嘅陳懿德都要認輸，皆因呢個「蠱惑的窿」簡直係搶fo到不得了！
