王祖藍《開心大綜藝》扮特首林鄭自抽水!網友:低B創意官,等執啦CCTVB
廣告
TVB新節目《開心大綜藝》第一集已出街,今集主題是「疫情記者會」,由阮兆祥飾演張竹笙醫生,影射張竹君醫生,陸永扮圓教授,影射袁國勇教授,而王祖藍扮藍太,影射行政長官林鄭月娥,其名銜是「Cheap Creative Officer 無綫特別堆填區行政長官」,兼抽自己水。不過網友仍然唔BUY,即刻睇咩事!
自抽水:疫情下會「變矮」
今次《開心大綜藝》中,內容多次自抽水,又指兩位高層曾志偉和王祖藍在疫情下有變矮特徵。而王祖藍又表示歡迎Eric Kwok和羅敏莊從「友台」(ViuTV)回歸。熒幕上立即顯示姜濤的圖片,並說「表示非常歡迎佢」,阿Bob扮黑衣人此時跑出來大叫︰「你又抽水!食屎啊!」明顯又自嘲早前記者會發生的扮姜濤事件。
![王祖藍扮藍太,影射行政長官林鄭月娥,其名銜是「Cheap Creative Officer 無綫特別堆填區行政長官」](https://imgs.nmplus.hk/wp-content/uploads/2021/04/-2021-04-12-1.17.02_1378643346073fe59cd99c.png)
王祖藍:我哋唔會迷失多一個十年
另外,王祖藍講到︰「TVB改革後,會有另一番新景象,我哋唔會迷失多一個十年,因為我哋有《尋人記》,去尋找初心。我哋堅決否定山頭文化,因為我哋有《諸朋好友》。我哋唔會日日做菜,因為有《日日媽媽聲》。我哋唔會自娛自樂,只會與眾同樂,我哋有《開心大綜藝》。」
![阿Bob扮黑衣人此時跑出來大叫︰「你又抽水!食屎啊!」明顯又自嘲早前記者會發生的扮姜濤事件。](https://imgs.nmplus.hk/wp-content/uploads/2021/04/-2021-04-12-1.15.50_17307223966073fe567a1aa.png)
向張竹君醫生和袁國勇教授致敬
抽水之後,眾人唱出張智霖經典金曲《祝君好》,表示向張竹君醫生和袁國勇教授致敬,感謝他們的付出,此Item已算比較不騎呢。王祖藍之後表示,希望節目緊貼時事,與市民脈搏可以同步,過往比較少做類似形式,希望大家可以以開放態度,可以嬉笑怒罵一點。
![抽水之後,眾人唱出張智霖經典金曲《祝君好》,表示向張竹君醫生和袁國勇教授致敬,感謝他們的付出](https://imgs.nmplus.hk/wp-content/uploads/2021/04/-2021-04-12-1.13.38_14440022286073fe4d4d9fc.png)
網友:低B創意官,等執啦CCTVB
節目出街後,不少網友表示睇到尷尬,留言:「低B創意官,等執啦CCTVB。」、「原來有呢個節目,我全日只係期待睇 viutv 因為有mirror。」、「今次就特登睇吓你哋有咩新創意,點知睇到扮林鄭嗰到已經頂唔順,即刻轉台。無聊低級趣味,來來去去咪又係呢啲。」
![節目出街後,不少網友表示睇到尷尬](https://imgs.nmplus.hk/wp-content/uploads/2021/04/img_9131_1495980406073fe3ecb0fc.jpg)