王祖藍無綫新官上任!派周嘉洛做新劇男主角!廢青安暫別《愛回家》
撰文:東方新地 |圖片:周嘉洛IG、王祖藍微博、新傳媒圖庫|編輯:20|原文刊於:東方新地
![周嘉洛](https://imgs.orientalsunday.hk/wp-content/uploads/2021/03/kalok__122177551_380786383280931_1161001941430742048_n_6283390486055bbd5951c0-819x1024.jpg)
上位做男主角
王祖藍日前正式上任做無綫首席創意官,協助副總經理曾志偉進行綜藝節目改革。其實祖藍年多前已經度好檔期,回巢無綫拍攝新古裝喜劇,對手是出爐視后蔡思貝。不過近日他由於要出任無綫首席創意官一職,希望專注做好管理工作,所以決定辭演,角色將改由周嘉洛頂上,間接帶挈廢青安躍升做新劇男主角。據知周嘉洛將於4月尾暫別《愛‧回家》,預計最快7月才會以廢青安身份再跟大家見面。對於將要暫別《愛·回家》及上位做男主角一事,周嘉洛接受訪問表示暫時未收到確實通知,並說:「我隨心隨緣啦,一切聽從公司指示。」
![周嘉洛](https://imgs.orientalsunday.hk/wp-content/uploads/2021/03/02_9837670406055c862cb607-683x1024.jpg)
網上晒十指緊扣相 轉頭上同性友人車
25歲仔周嘉洛曾在兩年前的生日在社交網上載神秘十指緊扣相……唔好咁緊張,其實周嘉洛名草未有主,拖實隻手仔係周媽媽嚟!未有拖拍,出街玩都可以有好兄弟陪嘅,早前喺電視台開完工,周嘉洛匆匆忙忙講住電話,之後出去電視城左望右望,似等人,然後見佢上咗個同性友人的貨Van。
![周嘉洛](https://imgs.orientalsunday.hk/wp-content/uploads/2021/03/8912500a-b477-46ca-a229-566227e89ba5_20705674886047557a2ba55.jpg)
好兄弟做司機 陪shooping兼送返工
原來男性好友好神心去到電視城門口接埋嘉洛仔一齊走,然後去九龍灣megabox行街、買衫、逛完Ikea再喺Ikea醫埋肚都係兩支公拍住上,買完食飽hea夠,友人又車嘉洛仔返回電視城繼續開工,原來男友人係陪嘉洛攝一攝個空檔,認真唔話得喎!
![周嘉洛](https://imgs.orientalsunday.hk/wp-content/uploads/2019/11/nhv4dxh3MJN7gxp/1_1146a_aunt_p12_13_19129084195ddcc3cb51db3.jpg)
無綫力棒做馬國明第二 25歲「廢青安」大起底
馬國明外形唔差形象健康,有觀眾緣入晒屋,仲係最佳男友,人又孝順,在無綫小生中馬國明認第二,冇人敢認第一,不過馬明有接班人喇!25歲的周嘉洛在「萬千星輝頒獎禮2019」奪得「最佳男配角」,憑《愛.回家之開心速 遞》「金城安」一角爆冷奪獎,人氣急升行運行到落腳趾尾,雖然劇中角色是典型廢青,現實中的周嘉 洛卻是個有理想的正氣暖男,似足馬明純品正直,同樣實而不華愛母至上,唔同嘅係周嘉洛冇天然呆兼且為人鬼馬多一分調皮,社交人際亦比馬明活躍。被無綫力捧成為馬明第二,真係飲得杯 落,不過千祈唔好似馬明要等足廿年先攞視帝!
周嘉洛棄讀大學做TVB小生
周嘉洛自小已對演戲有興趣,學生時期已在香港學校戲劇節得過三次「傑出演員 獎」的他,中三之後曾到澳洲升學,後來選擇回港棄讀大學,15年加入第28期藝員訓練班,畢業後首個正式角色便是《愛·回家之八時入席》的余日潼,不過開始為人認識是在《愛·回家之開心速遞》中飾演的金城安,貼地又搞笑的演繹吸納不少粉絲。金城安「安仔」一角,本來已是劇中金叵羅萬千寵愛,現在戲份被加重日日拍到無停手,劇集一星期播足七日,周嘉洛曝光率高企,成為當旺小生。
![周嘉洛](https://imgs.orientalsunday.hk/wp-content/uploads/2020/02/05_1158a_catc_p20_22_1008785325e43f2af8407e.jpg)
高層點名要力捧 被讚乖仔似馬明
劇中的周嘉洛被定型是家中的裙腳仔、廢青,與他現實生活中的性格大不同,有指周嘉洛似足初出道的馬明,為人正面樸實,與台前幕後都保持非常好的關係,難怪被劇中阿媽滕麗名、公公劉丹及兩個阿姨(呂慧儀及蘇韻姿)錫到燶,鏡頭前後都似足一家人,雖然有指周嘉洛攞獎後被批評未夠資格,但他早已被高層點名是可造之材要力捧。知情者透露:「當家小生買少見少,個個紅咗彈起就有離心,嘉洛個底夠乾淨,似足馬明,一入行就簽無綫,咁快畀獎佢除咗因為套劇受歡迎之外,公司都要捧新血上位,揀都揀啲聽教聽話有潛質,嘉洛形象正面,仲被指有星爺影子,觀眾一定受落,佢同馬明一樣唔係行靚仔路線,有演技同入屋就得啦!」
曾志偉啜爆性感女模影片詳情是?
近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更上前啜爆該名女模,女模的身份背景亦立即被網民起底⋯⋯詳情請看
《獎門人》 停播了何時才會復播?
《開心無敵獎門人》早前播出最後一集就宣布暫別幕前,令不少觀眾都大為不捨,身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看