杜汶澤新女團EOS出道歌來襲！叫Big Bang原來有原因？

杜汶澤新女團出道歌來襲 叫Big Bang係有原因？

由杜汶澤所創立的元宇宙世界「喱DAO」，其路線圖正式推出女團EOS，而女團成員Hazelle、Summer與Lokyi均是由「喱DAO」持有者一人一票投選出來，而EOS的訓練，再到服裝設計，就連作曲填詞編曲以及造型照同MV攝製都係由韓國公司Lion Heart一手包辦。

全英演唱歌曲

在EOS的官方YouTube歌曲的簡介中寫道：由朴忠旻監製的【BIG BANG】是一首糅合了hip hop 與 trap原素的Pop song。以強烈的Girl Crush舞曲風格，帶出「有能力而獨立的女生，不會在意其他人的看法。」訊息。歌曲以全英文演唱，其風格都相當有韓團味道。

網民有讚有彈

唔少連登網民在聽完歌同睇完MV都直指其歌曲相當唔錯，直言：「又真係OK喎」、「仲好聽過某啲韓團啲歌，真係估佢唔到」。亦有網民認為EOS出道歌曲就比起COLLAR當時出道歌《Call My Name!》來得更好，有人則反駁指：「宜家流量密碼係咪就係X打Mirror同Collar？」；不過有讚都有彈，有網民就認為《Big Bang》聽上去係「倒模韓團」，就連MV都一模一樣。

叫Big Bang係因為….

不過歌曲叫得《Big Bang》，都有人唔明點解會改呢個名，有網民就解釋指用該名宇可以方便刷點擊率，因為其歌名同韓國天團BIG BANG撞名，Search的時候都會有機會Search得到EOS的這首新歌《Big Bang》。

聽歌啦～