41歲李佳芯續約TVB進度曝光 仲大爆公司1傳統文化!
廣告
41歲視后李佳芯(Ali)近年屢次傳出被雪藏的消息,而且在拍攝完《有種好男人》後就未有任何作品推出,令唔少觀眾都十分關注李佳芯與TVB的合約情況。李佳芯最近就剛完成新劇《麻雀樂團》的拍攝,似乎與TVB的關係有所緩和。日前(30日)李佳芯出席活動時就罕有談及續約一事,並透露雙方仍在討論階段,目前未有確定的消息,仲大方講埋續約條件!
李佳芯續約要等拍完劇
李佳芯早前終於「解凍」拍攝新劇《麻雀樂園》,劇集更係佢近三年來首次參與的新劇。李佳芯亦提到,佢在開始拍攝新劇時曾與TVB討論過續約事宜,最後決定會於完成拍攝後再進行商議。 不過李佳芯嘅新劇已於上月中完成拍攝,而Ali亦透露自己拍完劇後飛咗去英國放短假期,都係最近先回港。
![李佳芯 李佳芯討論會於新劇拍攝完後與TVB商討續約事宜。(圖片來源:YouTube@TVB娛樂新聞台)](https://imgs.orientalsunday.hk/wp-content/uploads/2024/07/-2024-07-31-5.18.54_8827340266aa01943b273.png)
李佳芯鬆口講續約期望
李佳芯仲透露今次返港後將會與公司商討續約事宜,更大方表示如果有合適嘅節目,再見亦唔介意擔任主持,唔會侷限自己去發展某方面。不過當被現場記者問及會否向公司反映加人工一事時,李佳芯就表示「都會希望加少少人工」,更大爆每次加少少人工其實係TVB的傳統文化。但係李佳芯亦直言加人工固然想,不過作為演員,自己都係最睇重機會多過錢!
![李佳芯 李佳芯去年底與周吉佩一齊拍攝《日本18種住法》,更一度拍到病埋,睇到唔少觀眾都表示好心痛!(圖片來源:TVB)](https://imgs.orientalsunday.hk/wp-content/uploads/2024/07/-2024-07-31-5.24.26_196012416566aa02d6edc0a.png)