前TVB主播曾西爆料鄧萃雯婉拒參上《乘風破浪的姐姐2》全因一個原因?
廣告
前TVB主播曾西(Sisi)不時喺小紅書大爆好多娛樂花生,大講TVB內部問題同埋內幕消息,先爆《聲生不息》修音問題,再爆炒20年前冷飯、「借鑒」韓國的綜藝節目。近日曾西再爆出鄧萃雯曾婉拒參加《乘風破浪的姐姐2》?!
鄧萃雯婉拒《乘風破浪的姐姐2》
《乘風破浪的姐姐2》係內地的綜藝節目,會搵嚟中港台三地30+的女藝人進行音樂比賽,2季播出後都引起不少熱話,受內地熱捧,就王心凌為例子,因《乘風破浪的姐姐3》首次表現出色,甜美女學生打扮跳唱自己18年前代表作〈愛你〉,「甜心教主」再度爆紅。不過似乎就唔係每個女藝人都會希望參與呢個節目?!曾西稱自己認識好多香港經理人,就收到風《乘風破浪的姐姐2》係搵人係「廣撒網」的方式,而鄧萃雯都有被邀請參加,不過就婉拒咗,仲笑指電視台雖然「摳門」,但選人還是有點眼光,因為鄧萃雯係曾西係圈中一個非常尊敬同非常喜歡的女演員。
大讚鄧萃雯仍能保持初心
曾西大讚鄧萃雯係一位「性情中人」,講返鄧萃雯有俾男人借上位,同埋曾經與同性好友傳過緋聞等,但正正因為咁先可以活演每個角色,演得非常細膩。而且仲指鄧萃雯非常珍惜自己的羽毛,認為呢個年代邊個唔知賺錢就係立人設、做綜藝、圈粉等,而曾西就表示佢聽聞鄧萃雯身邊的人講過,鄧萃雯的精神食糧就係塑造好角色,演出好的作品,所以非常欣賞鄧萃雯喺呢個「有錢才是正義的年代」仍能保持初心,係一個心態多好的人。
![曾西 金枝慾孽](https://imgs.orientalsunday.hk/wp-content/uploads/2022/08/02_17551606916306fdfcbcac9-642x1024.jpg)
圖片來源:小紅書@sisi曾西西西,微博@鄧萃雯