野外步出|彭慧中入行11年全因一個原因欠上位機會 回應巴打日日「J慧中」
撰文:東方新地 圖片:《野外步出2》發相、《野外步出2》影片截圖、IG@phoebspang、連登討論區|編輯:HM(原文刊於:東方新地)
![方紹聰介紹「J慧中」出場。(圖片來源:《野外步出2》影片截圖)](https://imgs.orientalsunday.hk/wp-content/uploads/2021/12/36_195605333761b81104a525d.jpg)
彭慧中 網民最期待的女嘉賓
《野外步出2》第13集嘉賓彭慧中入行已11年,近年主要主持《流行都市》,未有其他拍劇工作,不過她的知名度與人氣一啲都唔弱。奶仔方紹聰早前曾瀏覽各大討論區,發現網民最期待的嘉賓是32歲的「J慧中」(網民為她改),奶仔笑言《野外步出2》 終於請到「J慧中」,好讓各位兄弟可以開心一下。
![奶仔大爆彭慧中是網民最期待的女嘉賓。(圖片來源:《野外步出2》發相)](https://imgs.orientalsunday.hk/wp-content/uploads/2021/12/2897ff2c-a7f0-4fe0-8599-667b067e5446_127085352161b71411ee6bc-768x1024.jpg)
彭慧中 奶仔大講有味笑話
彭慧中性格爽直,即使一開場被奶仔笑指個名已變成「J慧中」,她都唔介意,其後玩水上瑜伽,奶仔因為做唔到一些動作,笑言「男仔中間有啲嘢隔住咗」,彭慧中亦笑奉陪話:「佢唔得喇!佢真係唔得!」輪到彭慧中做倒立動作,奶仔又笑佢個動作太誘人,令成個西貢區氣氛都變得嚴肅。
![彭慧中回應巴打日日「J慧中」入行11年欠上位機會真相大白](https://imgs.orientalsunday.hk/wp-content/uploads/2021/12/59_31102852961b8112e45eb1.jpg)
「J慧中」坐姿最誘人
奶仔說:「我同彭慧中今次去咗西貢一個叫『吊鐘洲』嘅地方玩直立板,呢個地方平時好難去,希望大家睇到呢個地方啲岩石係好靚嘅。我同彭慧人講,其實上網好多討論區網民都好鍾意睇佢,TVB係嘥咗佢,淨係畀佢做《流行都市》,大家都好想睇到佢著泳裝呀!性感少少嘅演出,今次《野外步出2》畀大家睇到彭慧中啦!啲網民全部都叫佢『J慧中』,每日下午1點幾大家都開po叫開電視一齊睇彭慧中,一齊J佢個坐姿,所以某幾個討論區嘅朋友仔,呢集應該會睇得開心。」
![日前彭慧中上載一張身穿中空裝的圖片上社交網,即成網民熱議對象。(圖片來源:IG@phoebspang)](https://imgs.orientalsunday.hk/wp-content/uploads/2021/12/phoebspang_265137032_298713218835288_6908162766835736053_n_672046961b7159187a38-856x1024.jpg)
彭慧中親講「J慧中」
彭慧中雖然少拍劇,不過今次在節目中與奶仔一齊演小劇場,其實演技都唔差,之後二人更在直立板上傾心事,彭慧中重提當年參選港姐是由爸爸提名,因為自己皮膚太黑,信心只是一般,估唔到最後可以入圍。奶仔又提到每日定時定候就有巴打在討論區CAP圖,把彭慧中的主持《流行都市》的照片放上網,為此彭慧中回應:「多謝啲巴打咁鍾意睇我,其實我想多啲絲打睇。我都唔知佢哋點解鍾意睇我,我又唔係啲巴打,可唔可以話番畀我知呀?」奶仔指全因彭慧中的坐姿好正,坐在直立板上的彭慧中說:「咁佢哋依家係咪會CAP圖呀?」
![二人在節目中演無聊小劇場。(圖片來源:《野外步出2》影片截圖)](https://imgs.orientalsunday.hk/wp-content/uploads/2021/12/41_51063416861b8110c43b22.jpg)
彭慧中坦言性格令她發展受阻
在節目尾段,奶仔問彭慧中入行多年有沒有遺憾的事情,她說:「可能本身我性格唔係太積極,唔主動,我有時都會同其他人比較,點解人哋可以做到呢個位置,點解我仲係咁樣嘅?好似冇乜機會咁。有時我會好『忟』自己,點解唔可以主動啲,我係比較要面子,唔夠膽去做主動,好怕被拒絕,我係一個隨緣嘅人,我唔想去做一啲令我個心唔舒服嘅嘢,我未跨到去嗰一關,過唔到自己。」
![彭慧中回應自己入行多年都冇乜機會上位。(圖片來源:《野外步出2》影片截圖)](https://imgs.orientalsunday.hk/wp-content/uploads/2021/12/52_154059208861b8111fedc51.jpg)