張柏芝大仔近照曝光 網民：點解老母要公開處決個仔
廣告
張柏芝與謝霆鋒所生的大仔謝振軒（Lucas）眨吓眼已經大個仔，今年15歲的他脫去細路時期的幼氣，成為了一名少年。近日Lucas生日時張柏芝都Po出與仔仔的合照，不過有網民睇完之後就覺得Lucas越大越走樣，好似開始唔掂！
張柏芝大仔近照曝光 網民：點解老母要公開處決個仔
張柏芝與謝霆鋒所生兩子，包括大仔謝振軒（Lucas）以及二仔謝振南（Quintus），兩人與母親同住。早前是Lucas踏入15歲的生日，所以張柏芝都帶同兩個囝囝一齊外出慶祝，食大餐慶祝之餘亦都po出與兩名仔仔的合照。
張柏芝似足少女
雖然今年已邁入42歲的張柏芝，但衣著打扮仍然十分少女，Lucas生日當中戴上Celine的漁夫帽以及墨鏡，全身則穿上Monotone藍色色系，十分乾淨俐落。就咁睇完全唔覺得張柏芝似42歲，果然係有顏值保證！
Lucas越大越走樣？
不過主角還是Lucas，15歲的他身高已經高過媽媽，當日穿上紅色外套，十分Sharp醒，更同媽媽對紅色帆布鞋相呼應。Lucas留上長曲髮，不過髮型似乎同佢樣貌唔太夾，15歲看落似25歲咁成熟。有網民更認為Lucas樣貌走樣，比起以前細個差一點，更有網民直言：「點解冇謝霆鋒靚仔基因？」。
網民：撞樣曾比特
對於Lucas的樣貌，不少網民都議論紛紛，有網民就覺得其實都唔差，Lucas同媽媽張柏芝走在一起似足情侶。又有網民指Lucas的髮型令佢「變咗曾比特」。另外有網民就認為Lucas變了不少，直指：「好似走咗樣」、「崩壞咗咁多嘅，差啲唔認得」、「細個靚仔好多」。
圖片來源：IG@cecilia_pakchi_cheung
