女團XiX再有成員退團?「4缺1」Eric Kwok咁樣回應 網民猜測同葉佩雯有關?
女團XiX「4缺1」獨欠Vici
女團XiX日前出席活動時「4缺1」,只得梁善知(Crystal)、楊秉頤(Caitlin)、繆昀希(Charlotte)及鄧曉殷(Kiele)一同現身,獨欠莊殷玥(Vici),對此Eric Kwok表示Vici「有事嚟唔到」,而且近期一段日子都不會參與XiX的活動。
![女團xix 退團 女團XiX「4缺1」出席活動,身上穿著拍新歌《Pretty Good》MV時同一套服裝。(圖片來源:TVB)](https://imgs.orientalsunday.hk/wp-content/uploads/2024/07/01a_172379628766aa08b4606ab-1024x576.jpg)
葉佩雯、Vici已互相unfollow
作為XiX形象顧問的葉佩雯(Grace),早前曾在社交平台怒轟XiX其中一位成員自作主張,對經理人和公司零尊重,當時已有傳她所指的成員是Vici。而睇翻葉佩雯、Eric Kwok和XiX的官方IG,目前都已unfollow了Vici。雖然Vici的IG自我介紹中,仍有寫著自己是「XiX女團成員」,但她也unfollow了葉佩雯、Eric Kwok和XiX的官方IG。
![女團xix 退團 Vici疑退團,有指與葉佩雯早前怒轟有XiX成員對經理人和公司「零尊」有關。(圖片來源:TVB)](https://imgs.orientalsunday.hk/wp-content/uploads/2024/07/02_194470374166aa079fc5829-1024x578.jpeg)
Eric Kwok否認Vici因葉佩雯退團
被問到XiX「4缺1」的問題,Eric Kwok似有難言之隱:「我哋依家係成日都四個喇。(點解?)要遲吓講,依家講唔到。(係咪因為葉佩雯件事?話有成員唔尊重公司同經理人)我只可以話no comment,我老婆鍾意點講就點講啦,由得佢。(因為呢件事引起成員退團?)緊係唔係啦。(係咪有成員唔合作?)唔係,其實我哋咁多個女好多時都有好多嘢要教、要提點嘅,佢哋始終都係得15至17歲,你估真係好似我哋大人咁有交帶咩。(嗰單嘢會唔會唔開心?)阿Grace?有㗎。」
![女團xix 退團 Eric Kwok回答XiX有成員疑似退團問題,似有難言之隱。(圖片來源:TVB)](https://imgs.orientalsunday.hk/wp-content/uploads/2024/07/06_99587419266aa0a2b50f27-1024x574.jpeg)
Charlotte讚Vici:帶咗好多歡樂畀我哋
四位XiX成員就被問到有成員退團,會唔會唔開心?Caitlin回答:「一定會有㗎喇!」Crystal:「一定會唔捨得,因為我哋始終一齊經歷咗好多嘢,由比賽到依家,一齊出歌咁樣。」Charlotte:「佢(Vici)都帶咗好多歡樂畀我哋。」而Kiele在演出時因驚恐症發作,一度要在後台休息,對此她表示覺得好平常,因為好多藝人都有精神健康問題。
![女團xix 退團 四位XiX成員都話有成員退團一定會唔開心。(圖片來源:TVB)](https://imgs.orientalsunday.hk/wp-content/uploads/2024/07/08_9716181766aa0beb484ca-1024x576.jpeg)
Vici疑退團 網民竟讚好:應該一早要out!
雖然XiX由未出道時預定有6位成員,到現在有機會只剩下4位,但有不少XiX粉絲竟力撐foul得好:「其實好多人唔鐘意Vici」、「冇佢仲好」、「一直都覺得呢個勁姣,foul得好,葉佩雯做到嘢」、「聲夢junior時已經見到Vici擁有好自我/自大嘅性格」、「Vici不嬲都麻X煩,自以為好勁!sorry應該一早要out」、「正啊,聽到佢把聲就唔開胃,成隊即刻順眼(耳)晒。Ironman 好波!」
![女團xix 退團 竟有不少網民支持Vici退出。(圖片來源:網民留言截圖)](https://imgs.orientalsunday.hk/wp-content/uploads/2024/07/11_66338178666aa0cb4862ec-737x1024.jpg)
葉佩雯被批:幾十歲人同d𡃁妹霎氣
有網民就提議XiX改名重新出發:「Six 變 Four…要改名」、「團名最忌以人數嚟命名」等,但亦有網民質疑有成員退團係葉佩雯的責任:「有冇錯都好,經理人係負責保護自己藝人,點可能反而會比自己老婆亂發脾氣喺細路女身上?」、「等於自己唱自己藝人,都oX9嘅」、「女人得罪女人的下場」、「幾十歲人同d𡃁妹霎氣,同埋仲有一個話有驚恐症,真係好唔得閒」。
![女團xix 退團 XiX出道前曾預定有6位成員,6人更曾一齊翻唱張國榮的《Miss You Much》一曲,但最後劉芷君(Aster)未有加入XiX,選擇單飛。(圖片來源:IG@asterlau)](https://imgs.orientalsunday.hk/wp-content/uploads/2023/05/1_1246046227645ae4e3d4711.jpg)
![女團xix 退團 XiX五位成員左起:良玳瑩(Crystal)、繆昀希 (Charlotte)、楊秉頤(Caitlin)、鄧曉殷(Kiele)、 莊殷玥(Vici),自去年9月開始正式出道。(圖片來源:IG@xixofficialhk)](https://imgs.orientalsunday.hk/wp-content/uploads/2024/06/05_875491056667ba238e6830.jpg)
重溫葉佩雯為一事轟藝人對經理人零尊:自作主張仲要扮無知!
葉佩雯早前在Threads發帖,大呻有藝人未有經過經理人和同事,自行預約化妝和整頭,並聲稱自己不熟悉流程:「個星自己book化妝整頭,唔經經理人公司&同事book喎!仲話自己唔識流程喎!零尊重,又自作主張!仲要扮無知!點搞呀?心淡」並附上兩個喊喊的emoji。
指不尊重行為已非首次發生:佢完全唔care錢
在回覆網友的留言時,葉佩雯進一步透露,這種不尊重的行為已非首次發生,並強調該藝人對金錢似乎毫不在乎:「不俾尊重已經唔係第一日嘅事」、「佢完全唔care錢」、「心傷呀」、「我哋一路好努力想幫佢、教好佢,但係…」
![女團xix 退團 Eric Kwok由在《聲夢傳奇2》擔任導師開始,一直好愛錫XiX成員。(圖片來源:IG@xixofficialhk)](https://imgs.orientalsunday.hk/wp-content/uploads/2024/06/02_876095943667ba21940a5e.jpg)
原來都係book返公司化妝師髮型師
葉佩雯又解釋該藝人都係book返公司的化妝師和髮型師:「仲要係別人口中先得知!連個化妝師都呆咗!個化妝師同佢講點解你唔問你經理人呀?」、「重點係不懂尊重,咁點解要簽公司呢?」不久後葉佩雯刪除了這則帖文,但並未有刪除對部分網民的回應。
![女團xix 退團 (圖片來源:Threads@graceip)](https://imgs.orientalsunday.hk/wp-content/uploads/2024/06/09_1860718519667ba24681871.jpg)
即睇XiX五位成員家底背景介紹:
XiX成員|17歲Vici 曾奪 「最上鏡獎」
莊殷玥(Vici)2021年才正式開始學唱歌的Vici,於同一年橫掃了音樂、跳舞及其他性質比賽至少12個獎項《超新星歌唱比賽》「青少年組冠軍」、《擁抱愛歌唱比賽》「青少年組冠軍」及「最上鏡獎」、《TKO歌唱比賽》「青少年組冠軍」及「台風獎」、《鵬程杯歌唱比賽》「中學組冠軍」、《真音樂歌唱比賽》「公開組季軍」,並入圍《中學大專歌唱比賽》公開組五強。Vici 更是運動健將,並曾於大大小小小型賽車比賽中 勇奪至少 6 個獎項,動靜皆宜。
![女團xix 退團 (圖片來源:IG@vici.chong)](https://imgs.orientalsunday.hk/wp-content/uploads/2024/06/1-1_27957920163214743ddf84_1841781167667bbd318ef64.jpg)
![女團xix 退團 (圖片來源:IG@vici.chong)](https://imgs.orientalsunday.hk/wp-content/uploads/2024/06/1-3_148879662963214747e3a14_2078255995667bbd325a01a.jpg)
![女團xix 退團 (圖片來源:IG@vici.chong)](https://imgs.orientalsunday.hk/wp-content/uploads/2024/06/vici.chong_1676802553_3041562724317766533_49213979101_1327855018667bbd8142a64.jpg)
XiX成員|15歲Charlotte名校出身
15歲繆昀希(Charlotte)就讀於名校聖士提反女子中學,雖然在XiX中年紀最細,但演出及比賽經驗相當豐富,不但4歲時已代表香港飛赴韓國參加2013年韓國最大型街舞比賽,更曾贏得唱歌、跳 舞、長笛吹奏、中文書法及朗誦比賽等共18個獎項。音樂造詣方面,除擁有超過9年學唱歌經驗的Charlotte,擁有 ABRSM Singing 5 級(Distinction)及 ABRSM Music Theory 5 級(Merit)實力,7歲時便曾和肥媽一起合唱《上海灘》,因為表現淡定和中氣十足的歌喉而被肥媽讚不絕口。
XiX成員|17歲Crystal 曾於外國Busking
17歲良玳瑩(Crystal)原名梁善知,在名校培正中學就讀,自8歲開始便參加不同的歌唱比賽,獲得獎項至少 14 個,當中五項更是冠軍,9歲時她更曾在《馬鞍山盃流行曲歌唱比賽2016》決賽,並取得優異獎。她在《聲夢JUNIOR》中因為唱跳譚詠麟的《愛情陷阱》而獲得致好評,並且打入四強,成功以XiX出道。為了增加實戰經驗,Crystal 更曾於外國唐人街體驗 Busking,勇氣十足。
![女團xix 退團 (圖片來源:IG@crystal_leungg)](https://imgs.orientalsunday.hk/wp-content/uploads/2024/06/07_440169901667ba2405c9ad.jpg)
XiX成員|16歲Caitlin 有個猛料爸爸
有「JUNIOR 杜麗莎」之稱的楊秉頤(Caitlin)就讀於聖保羅男女中學,三、四歲便開始學習聲樂、小提琴、鋼琴及芭蕾舞,是「香港歌劇院」、「香港演藝學院」和聖保羅男女中學附屬小學合唱團學員,又是小學的管弦樂隊成員,從小便參加多個比賽,共獲得過19次個人比賽冠軍。她住在複式單位中,除了有足夠位置放下聖誕樹,更有天台可以讓一家BBQ。
原來Caitlin有一個猛料爸爸,父親楊文鈞是台灣一間金融控股公司的副董事長,據聞年薪逾千萬港幣。他是美國麻省理工學院理學士畢業,後來又修讀機械工程理學碩士,之後又在美國哈佛大學修讀企管碩士。他又曾任職星展銀行和高盛證券的董事總經理及掌理投資業務,並派駐紐約與香港。其後加入中華開發金控集團,擔任過總經理、中華開發工業銀行總經理暨中華開發資本國際董事長、中華開發金控董事兼任中華開發資本董事。
XiX成員|17歲Kiele 美國出生
17歲的鄧曉殷(Kiele)在美國出世就讀香港國際學校,自小便已學習唱歌及跳舞,11歲開始報名及參與大大小小音樂劇演出,並曾獲得超過一年的百老匯式歌唱專業訓練。現時坐擁 ABRSM Piano 5 級、RAD Ballet 8 級資格及 7 年大提琴拉奏經驗的 Kiele,曾參與《Lang Lang Live in HK朗朗音樂會》、音樂劇《貝隆夫人》香港站和以大提琴手演奏樂曲《獅子山下》並手刷新「最大型弦樂合奏」健力士世界紀錄。閒來更會寫詩及參 加划艇比賽等,又是一名全能學生。
![女團xix 退團 (圖片來源:IG@kieletang)](https://imgs.orientalsunday.hk/wp-content/uploads/2024/06/5-4_123159554663214bb1e5bd3_558329748667bc690d2f43.jpg)
前XiX隊長|16歲Aster 屋企見海景
劉芷君(Aster)曾是女團XiX隊長,後退出及簽無綫作獨立發展。其實她八歲已是香港藝術體操港隊運動員,12歲已經是全港藝術體操分齡賽初級B組繩操、球操、棒操項目及個人全能冠軍。14歲開始便參加歌唱比賽,曾參加多個公開歌唱比賽並獲得多個獎項。她經常在社交平台上上載自己一些做體操的照片,意外曝光她面向維港海景無敵的屋企。
![女團xix 退團 (圖片來源:IG@asterlau)](https://imgs.orientalsunday.hk/wp-content/uploads/2024/06/2-1_852501656321482a63fdb_69204890667bc7d7169e8.jpg)