黃建東突擊「土瓜灣謝安琪」瑜珈褲小背心現身 仲係單身!
廣告
早前facebook群組有位網民發起一個討論引起熱議,問大家有無幫襯過一間大牌檔,相片係一間大牌檔的剪綵相,而企中間係TVB藝人黃建東以及一位穿著白色裙非常火辣女子。後來發現原來呢位火辣女子就係該大牌檔的老闆娘,仲要有「朵」叫「土瓜灣謝安琪」,近日黃建東突擊,老闆娘現身!
黃建東突擊「土瓜灣謝安琪」街坊:平日著鬆身衫
黃建東見到全城熱搜呢位「土瓜灣謝安琪」,就主動出撃去搵佢,佢表示大家已經4年無見到!首先黃建東捉咗附近啲街坊做街訪,問吓佢哋有無幫襯過老闆娘的大牌檔,有街坊就表示原來老闆娘唔係日日都咁「暴乳」,係著鬆身衫工作。
![土瓜灣謝安琪](https://imgs.nmplus.hk/wp-content/uploads/2023/12/vs-youtube-eat002-059_1969146605656fe717a118f.jpg)
老闆緊身瑜珈褲小背心現身
黃建東到餐廳時,「土瓜灣謝安琪」以小背心瑜珈褲現身,熱情招呼黃建東。黃建東問到點睇「土瓜灣謝安琪」呢個名,老闆娘就謙虛表示謝安琪靚佢好多,又靚又有實力實在係抬舉咗佢,點可以同佢比。問到剪綵相條白色裙,老闆娘就話平日好少咁著,而且件衫原來係特登訂造。
![土瓜灣謝安琪 黃建東突擊「土瓜灣謝安琪」](https://imgs.nmplus.hk/wp-content/uploads/2023/12/vs-youtube-eat002-141_309990101656fe7f10d60e.jpg)
老闆娘原來係單身?!身材堅定流
黃建東再問到老闆娘感情狀況時,老闆娘表示好似無咩人會欣賞佢呢種「惡霸的女性」,人哋都會驚佢,佢比較男性化同強勢。講到身材堅唔堅,老闆娘就話自己又唔係明星,最緊要係身體健康,仲用官腔方式回應「真定假就大家自己睇啦!」最後老闆娘叫大家唔好將注意力放喺佢身材上!
![土瓜灣謝安琪 老闆娘表示好似無咩人會欣賞佢呢種「惡霸的女性」](https://imgs.nmplus.hk/wp-content/uploads/2023/12/vs-youtube-eat002-447_314740736656feb3f444f2.jpg)
去片:
啲嘢好似幾好食!
圖片來源:youtube@DerekWong726 Official 資料或影片來源:youtube@DerekWong726 Official