叱咤2024|投票我最喜愛男歌手10強!尹光真係有份角逐網民呼籲力撐
![叱咤2023 頒獎禮 叱咤 頒獎禮 真係好熱鬧!](https://imgs.orientalsunday.hk/wp-content/uploads/2023/11/397897447_722800876542646_9213124902359073_n_64325437365437a1977828.jpg)
叱咤樂壇流行榜頒獎典禮2023|我最喜愛男歌手10強走勢
投票走勢速報,「叱咤樂壇我最喜愛的男歌手」 12強 (截至15日中午12時,排名依筆劃序)︰
-
MC 張天賦
-
尹光
-
江𤒹生
-
呂爵安
-
林家謙
-
洪嘉豪
-
姜濤
-
柳應廷
-
陳卓賢
-
張敬軒
-
馮允謙
-
盧瀚霆
叱咤2023|連登仔呼籲全世界投尹光力撼MIRROR
近幾年MIRROR橫掃叱咤多個獎項,「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光!」為題開post,叫大家一齊出招大戰鏡粉。此post一出已經引起各方表示支持,更以3大理由表示一定要支持尹光:1:《Dear myself》真係好好聽好有意思;2:古天樂都得,尹光更加有資格;3:連AI都玩埋最潮係佢。網民紛紛留言:「《Dear myself》成首歌個概念同背後個意義有意思過好多歌」、「當年古天樂都係咁拎獎啦,尹光更加有資格」、「人地連AI都玩埋,完全唔老土」。
叱咤2023|網民:只有MC先可以打低MIRROR!
不過都有網民覺得應該投MC張天賦,指MC才是最有機會打低MIRROR的人,不認同吹奏尹光的講法:「條友啲唱腔咁老土都吹奏,我投返MC算,起碼fxxkboy樣幾潮唱歌又好聽」、「走去投尹光呢啲口水歌歌手,咪又係玩爛香港樂壇,講得出投尹光你本身都唔在乎樂壇會點發展啦係咪」、「投MC先有機會打抵姜B,忍痛棄光B,全家投MC」。亦有網民叫大家繼續投姜濤,指姜濤感言好重花生好好睇:「其實識玩一定投姜,想睇多次佢發台瘟!」
![連登仔 鏡粉 叱咤2023](https://imgs.nmplus.hk/wp-content/uploads/2023/11/-2023-11-14-12.55.25_14386586726552fdcd5f46f-576x1024.png)
更多:叱咤2023|網民唔想再係MIRROR圍威喂攞獎 呼籲投票給尹光爭最喜愛男歌手
叱咤樂壇流行榜頒獎典禮2023|「我最喜愛的」投票走勢!
本年度之「我最喜愛的男、女歌手、組合、歌曲」獎項會經由903會員透過官方網站進行投票,一共分為五個階段進行,最終結果一如以往會在頒獎典禮上現場公佈。
「叱咤樂壇我最喜愛的男、女歌手、組合」投票
第一階段(2023年11月13日中午12時至11月17日中午12時)
從2022年度第47週至2023年度第47週903專業推介所有新上榜主唱之男、女歌手、組合中選出最後十強,進入第二階段投票。
第二階段(2023年11月20日中午12時至11月24日中午12時)
從各組別最後十強中選出最後五強,進入最後階段投票。
最後階段(2023年11月27日中午12時至12月1日中午12時)
從各組別最後五強中直接選出,獎項結果將於頒獎禮公佈。
「叱咤樂壇我最喜愛的歌曲大獎」投票
第一階段(2023年12月11日中午12時至12月15日中午12時)
從2022年度第51週至2023年度第51週903專業推介所有新上榜歌曲(截止第45周,暫共244首,不計remix版)選出最後十強,進入第二階段投票。
第二階段(2023年12月18日中午12時至12月22日中午12時)
從最後十強歌曲中選出最後五強。
最後階段(2024年1月1日晚上)
在頒獎典禮當晚由現場觀眾即場投票選出得獎歌曲。
叱咤樂壇流行榜頒獎典禮2023|投票方法
投票系統更新 唔認證冇票投
在當日記招完結前,DJ謝茜嘉特別提及新的投票機制,並提醒已經登記過903會員的歌迷需要重新認證電話號碼,以方便即將開始的投票!另一方面,有網友發現今年投票方式與過去不同,表示:「叱咤903更新系統!投票需重新認證手機號碼!未實名嘅太空卡sss…宣告失效?」意味例如《叱咤樂壇我最喜愛的歌曲大獎》的「大獎」改以實名投票進行。
不少網民紛紛留言:「Mirror終於玩完了」、「返個獎比林家謙」、「搵KK園幫手」、「本身持有超過100個number嘅粉絲表示⋯⋯」等等。
投票連結
![叱咤2023 頒獎禮 叱咤 頒獎禮 所有用戶必須完成電話認證才能投票!](https://imgs.orientalsunday.hk/wp-content/uploads/2023/11/-2023-11-02-5.56.49_1605321147654372703d485-1024x601.png)
陳蕾、MC 張天賦、洪嘉豪 訪問| 2023年度叱咤樂壇流行榜頒獎典禮 記者招待會
MIRROR 訪問| 2023年度叱咤樂壇流行榜頒獎典禮 記者招待會
大家快啲去投票啦!