叱咤頒獎禮2022|張天賦助理出口術誓要贏鏡仔奪男歌手 惹火言行受非議
MC張天賦助手Yee Yee目標贏「我最喜愛男歌手」
MC張天賦私人助理Yee Yee之前連番惹火言論,衝著洪嘉豪而來,成為新聞熱話,幸MC同洪嘉豪兄弟情不變。MC張天賦今年初在叱咤頒獎禮奪「生力軍男歌手金獎」,人氣大旺,今年推出的《小心地滑》成績斐然,實力再被肯定。今年打入叱咤「我最喜愛男歌手」十強,與MIRROR人氣成員、張敬軒、林家謙及洪嘉豪一起爭獎。而投票第二階段正式開始,MC張天賦助手Yee Yee為主子能打入5強及撼贏對手們而四圍拉票,在MC Fans Club寄出拉票電郵,叫大家務必All in MC,否則等睇華納全軍覆沒。
![張天賦](https://imgs.nmplus.hk/wp-content/uploads/2022/11/0acc5685-2528-451f-8cc8-f1a93e2f4252_124523206637d960d01549.jpeg)
MC張天賦助手稱遭洪嘉豪𠝹票
Yee Yee身為FC的管理員,發出拉票電郵「今年有票源重複,只會畀人不斷𠝹票,要贏鏡仔,每個賦二代都要更加出多啲力拉多幾票返嚟!唔係講笑,唔All in張天賦就等睇華納全軍覆沒,五鏡入五強嗰陣對方真係多謝我哋啦!每人目標要為MC拉20票,有幾多拉幾多!」收到電郵的粉絲稱以為是電騙,不少紛絲認為她所指的重複票源、被人𠝹票,是指洪嘉豪,「出口術叫華納家族支持者都全投MC,講到為華納著想,好奸呀佢」、「亂傳啲風出嚟,想嘉豪班院友都投MC。」
![張天賦 洪嘉豪和MC張天賦入行以來感情要好,今年更孖住開騷。](https://imgs.nmplus.hk/wp-content/uploads/2022/11/49640970-1b24-4279-b9de-e8a87079f3f5_595590844637d95a47f9fa.jpeg)
「明明MC對鏡仔、軒公係五五波」
除了在FC發功,更在TG群組同時帶風向,Yee Yee稱對手不止鏡仔,還遭「而家MC對手唔止鏡仔,仲被自己兄弟𠝹票」,為免全公司全軍覆沒,要集中票源,「今年明明有機會,點知仲要被自己人𠝹票」、「明明MC本身都打贏鏡仔同軒公係五五波,依家變咗讓半臂」,網民不滿Yee Yee指MC遭洪嘉豪𠝹票,亂帶風向,有粉絲表達意見,Yee Yee即同人開拖,「有咩問題呀?」、「支持自己偶像,而將所有其他人視為競爭對手,真心撐自己粒星嘅fans唔會覺得有問題,除非嗰個人喺度但重要關頭本命根本唔係MC」
![張天賦 為撐MC義無反顧,完全唔覺自己有問題!](https://imgs.nmplus.hk/wp-content/uploads/2022/11/8jn0bf0_406555130637d9684bdbfe-1024x509.jpg)
賦二代怕助手言行拖累MC張天賦
有網民MC今年又開騷又有大熱歌曲,廣告人氣不斷,而MIRROR休團,等內在外在因素,MC贏面都高,但因Yee Yee言行卻會影響MC的票源,指她撐主子MC無問題,但身為MC助手及FC管理員,態度惡劣又出口術等低劣行為,深怕會影響MC形象,兼成反效果,「賦二代固之然會投票,而家係要拉外面人嘅票,被佢咁搞一搞,啲人唔投MC改投其他人啦」,直指佢幫倒忙,「MC為自己前途真係炒咗佢」、「MC太念舊對人太好,搞到有Yee Yee呢個人係度搞亂檔」、「MC容忍度真高。」