劉馬車襲擊記者判刑 求情時不忘形容對方是「人渣」
上月襲擊網媒記者
劉馬車被控於今年7月30日,於荃灣荃新天地外襲擊網媒記者梁志恒,導致對方眼鏡碎裂兼面部受傷,其後他於同日自首。裁判官於今日判刑時引述辯方求情,指受害人梁志恒案發前不斷透過網上平台攻擊和挑釁劉馬車,甚至表明報道劉馬車可增平台流量,然而劉馬車多次要求梁志恒不要再騷擾自己仍然被拒絕。直到當日2人見面時,梁志恒再次直播,劉馬車聽到「夠膽郁手」時才忍無可忍下,向對方大打出手。
![劉馬車 判刑 劉馬車其實好大隻](https://imgs.orientalsunday.hk/wp-content/uploads/2023/08/photo-by-chun-hin-lau-on-april-27-2023.-1_167370331464daf941d9110.jpg)
寫求情信求情
辯方求情時亦表示劉馬車的背景報告正面,犯案源於網上爭論,而且表示他犯案後自首反映他知錯,又稱「已經上咗寶貴嘅一課」。劉馬車更在求情信中花了大量篇幅形容梁志恒人格卑劣,又形容對方是「人渣」。
![劉馬車 判刑 劉馬車形容受害人是人渣。](https://imgs.orientalsunday.hk/wp-content/uploads/2023/08/photo-by-chun-hin-lau-on-april-21-2023_39270259464dafa256c554.jpg)
獲判監禁6星期兼賠償1100元
然而,裁判官卻認為劉馬車並非單方面飽受欺凌,又指出劉馬車明知會有麻煩仍邀約梁志恒,而傷人行為具懲戒性質及分階段進行,暴力程度不低,梁志恒傷勢亦不輕,因此以9星期監禁作量刑起點。考慮到劉馬車認罪,獲扣減至6星期監禁。另外,劉馬車亦須在2個月內就梁志恒的眼鏡賠償1100元。
![劉馬車 判刑 劉馬車獲判監禁6星期兼賠償1100元。](https://imgs.orientalsunday.hk/wp-content/uploads/2023/08/photo-by-chun-hin-lau-on-april-19-2023_117222763664dafa82ccb93.jpg)
劉馬車突向鄧月平示愛!
劉馬車嘅變化實在難以預測!早前他於IG也發布了多張照片,相中人更是年輕時的鄧月平,他寫道:「鄧月平,當年我無好好珍惜你,我好後悔!我真係唔想你再為我傷心了,今後我一定會好好做人,我會好好去保護你!因為,我愛你,我想比幸福你!」
![劉馬車 判刑 劉馬車 新片 擺出多年前同鄧月平合照!](https://imgs.orientalsunday.hk/wp-content/uploads/2023/07/photo_6194985309796677128_y_56229050064be63e1ed23b-1024x1001.jpg)
鄧月平IG親自回覆「希望你好好做人」
而鄧月平也在劉馬車IG回覆,寫道:「馬車,多年不見!估不到你依然是個有創意力想像力的青年,希望你好好做人,遇上難題不要傷害自己傷害別人,盡量尋求信任的人幫助!」
同時鄧月平也強調大家不要再恥笑劉馬車:「大家都唔好笑馬車啦,另外平祝馬車你官司關關難過關關過,平有點忙,學左一身好功夫可以保護好自己,勿念。勿念,不過原來我15歲時幾靚。」
呢個消息實在太難以置信,震驚唔少網民,紛紛表示:「你地有冇故事」、「走先 我幫你擋住個色魔」、「咪覆佢啦!」、「有創意力想像力即係思覺失調?」
![劉馬車 判刑 劉馬車 新片 劉馬車歸來!自稱「善良的惡魔」連環出16條新片](https://imgs.nmplus.hk/wp-content/uploads/2023/07/-2023-07-24-12.21.00_70167467164be065822d43.png)
劉馬車自爆曾與鄧月平拍拖
事後,有傳媒訪問劉馬車查詢同鄧月平的關係,劉馬車自爆曾與鄧月平拍拖,他指細細個一齊過一段時間,但之後因其他原因同第二個一齊。他又透露最近精神壓力好大,但鄧月平都有關心他,劉馬車又指那些合照是8年前時影的。
![劉馬車 判刑 劉馬車 新片 鄧月平也在劉馬車IG回覆!](https://imgs.weekendhk.com/wp-content/uploads/2023/07/photo_6194876105958209010_y_208574450964bf33739d822.jpg)
劉馬車仲拍片講鄧月平!
劉馬車出獄表示自己信主
劉馬車早前衰咸濕案未完,劉馬車昨日(23日)IG突然復出指「善良的惡魔~馬車歸來」然後放出自己疑出獄的照片,背景係荔枝角收押所,同埋一幅畫作。劉馬車接著IG連環狂出post,又出歌又拍片,指自己已經信咗主:「慈悲香港・馬車信咗主耶穌,神帶領著馬車前行,馬車幫神父Father John派飯比有需要嘅人」
![劉馬車 判刑 劉馬車 新片 劉馬車歸來!自稱「善良的惡魔」連環出16條新片 劉馬車一出獄即更新ig,放上多張自拍](https://imgs.nmplus.hk/wp-content/uploads/2023/07/-2023-07-24-12.21.08_66974177864be066de6410.png)
劉馬車YouTube更新狀況:呢段時間過得好痛苦
劉馬車除咗喺IG出post之外,仲喺YouTube連環出咗16個post,一條係更新佢最新狀況的片,佢拎住自己身分證表示自己係「荔枝角收押所的受訓生」,22日暫時保釋外出等候再訊。劉馬車表示而家自己會保持低調,呢2個幾月失去自由的時間過得好痛苦,叫大家珍惜自由。劉馬車繼而多謝懲教署呀Sir的關心、教育,並表示自己本性不壞,亦知道自己情緒有問題,因為有好多壓力唔識做人,而令到自己成日做錯事。劉馬車激動指自己有反思到自己的問題,想改過自身,想他人可以明白自己。
「新歌發布會」現金髮女子!
劉馬車16條片中其中8條片係劉馬車的「新歌發布會」,而呢啲新歌的片頭都有一名金髮女子的背影幫佢拍「新歌發佈會」,指佢係支持咗劉馬車好多年的朋友。唔少網民對於仲有女性朋友的劉馬車非常震驚,紛紛留言寫道:「個女仔好危險」、「個女仔有無咁博,咁夠膽」、「仲有女夠膽同佢一齊?」
![劉馬車 判刑 劉馬車 新片 劉馬車歸來!自稱「善良的惡魔」連環出16條新片 劉馬車的「新歌發布會」片頭都有一位金髮著短褲的女子,係幫劉馬車拍片](https://imgs.nmplus.hk/wp-content/uploads/2023/07/videoscreenshot-youtube-000_15192113464be05fb267af.jpg)
劉馬車為甚麼會在大陸被捕坐監?
劉馬車於2016年9月在大陸因犯下猥褻罪和猥褻兒童罪,被深圳市福田區人民法院判處有期徒刑2年6個月。之後劉馬車出獄後拍片表示自己會「洗水革面」做個有用的人,不料…詳情請看
劉馬車強勢回歸後有甚麼新搞作?
經過了3年,劉馬車預計將於2023年1月出獄,有網民就十分期待劉馬車出獄後能夠同Kenny嚟個跨世紀大合作。加上劉馬車歌聲了得,有指他將會參加新一屆《造星》…詳情請看