2022世界盃|關珮姿KK令球迷著迷:睇波為咗睇佢! 自爆為前度傾家蕩產
世界盃美少女 關珮姿自爆曾是正宗死港女
關珮姿KK有份主持NowTV直播世界盃,近日接受艾力網上節目《Have a nice Date》訪問,外表看來無機心的關珮姿,事實亦然,更被前度當水魚呃錢的㥇痛經歷。艾力大讚關珮姿GFable,她即自嘲:「即係普通啲,貼地啲。」艾力指呢種女仔最多人追求,因為容易相處,問她是否自少都多人追求?KK話:「又唔係好多,但都有,真係有啲non-stop,我都迫於無奈嘅﹗」不過佢就自爆曾是一名死港女:「我以前曾經係正宗一個死港女,八婆嘅,要知名道晒男友嘅行蹤,唔止要佢報到,仲要影相證明佢真係身處嗰度,依家諗番起先覺得迫得人哋太緊。」
關珮姿身家被前度清零
KK關珮姿雖然不乏追求者,卻遇上騙子令她賠上感情和金錢,她自爆在日常生活都常被呃,常被當水魚。她自爆遇過一個呃錢男友,指當時發現對方一張好大銀碼的借據,「係我面前賭,佢話幫朋友買少少,自己一齊玩少少,咁我又信,然後問我借錢,佢話幫我保管住啲錢,再畀利息我,有一、二千蚊,講到好似幫我做投資儲錢基金咁,就係咁喺我出嚟做嘢無耐,就無咗副身家,真係清零。」
![世界盃 關珮姿曾被前度呃晒成副身家,成為人生最慘痛經歷。](https://imgs.nmplus.hk/wp-content/uploads/2022/11/-2022-11-28-10.21.11_152740106463842d2cc7727-1024x665.png)
我的志願做中文老師
關珮姿KK識波性格唔港女令不少球迷鍾情,不過佢自爆當初睇波全因為工作需要,並公開多謝鄒凱光:「要多謝灘淑,係佢搵我返嚟,冇佢我就唔會機會去試去講波。」 不過原來她對自己前途一度感到好迷惘,KK關珮姿本身讀中文教育出身,一直想成為一位中文老師,但後來接觸了幕前演出後,令她對初心很迷惘,經過一段時間才想通了,因為幕前演出令她發掘自己有更多可能性,最後認為做到自己喜歡嘅事已經很足夠。
![世界盃 剛踏入25歲,到酒店慶祝。](https://imgs.nmplus.hk/wp-content/uploads/2022/11/6b6c660f-f99a-4ffc-861a-953397d4bf67_145526094563842da35f6e1.jpeg)
mon負評:更加唔可以對工作求其
關珮姿KK又指有留意網民的批評,例如「咁樣衰又冇身材,又唔係好叻講波」負評,令她更清楚「:「更加唔可以得過且過,我係由零開始,最初只知場波90分鐘,波去咗邊都睇唔到,一直好多人教我好多嘢,令我覺得自己唔可以畀自己求其。觀眾係唔會因為你嘅進步而欣賞,因為大家係睇成果,所以我一定唔可以隨便咁對待我嘅工作。」
![世界盃 關珮姿不停發掘自己興趣及潛能,希望能多方面發展。](https://imgs.nmplus.hk/wp-content/uploads/2022/11/3cbb6629-7ce2-4d97-81d0-c70c040ab5fe_12543412063842e37ed32c.jpeg)