TVB史上最低收視10大劇集 第一位有王浩信都冇用！
TVB史上最低收視10大劇集 第一位有王浩信都冇用！
10.《堅離地愛堅離地》
張振朗、龔嘉欣、劉佩玥主演的《堅離地愛堅離地》於2021年播出，平均收視得20.9點，該劇集定位是科幻愛情喜劇，不過當中不少老尷位令人覺得真係笑唔出。而劇集早於2017年拍畢，不過因為劇中有黃心穎的關係，令到劇集去到2021年先上映。
9.《C9特工》
2020年播出的《C9特工》，由高海寧、馬國明及黎諾懿出演，平均收視得20.8點。劇情係圍繞住C9高海寧所屬的特工組織被滅掉之後點樣遇上真愛馬明，之後玩食字變咗真「C9」，跟住又撞返同組織B3黎諾懿，又要報仇搵返滅組織之人咁囉。
8.《來自喵喵星的妳》
貴為2016年台慶劇的《來自喵喵星的妳》，由田蕊妮、胡定欣、陳豪主演，平均收視都係得20.8點，身為台慶劇咁少又真係講唔通。劇情同個名一樣，就係講貓星人同埋地球人之間發生的趣事。
7.《金枝慾孽貳》
2013年就已經播出的《金枝慾孽貳》，劇集cast相當《金枝慾孽》差唔多9年再播出，令到人都唔記得點「金枝」法，而劇情亦比起前作差很多，最後平均收視得20.6點。
6.《丫鬟大聯盟》
2020年尾播出的《丫鬟大聯盟》，由「安心事件」主角黃心穎出演，劇集為古裝劇。TVB古裝劇一向都比較出色，不過呢套就中晒伏…最後平均收視有20.4點。
5.《我瞞結婚了》
2017年播出的《我瞞結婚了》由成日傳緋聞的洪永城同黃翠如主演，而劇中咁啱就係講佢哋嘅愛情故事。不過劇情老土兼易估，令到劇集最後平均收視得20點。
4.《巾幗梟雄之諜血長天》
2013年就拍完但拖到2016年先播的《巾幗梟雄之諜血長天》平均收視最後得20點，雖然《巾幗梟雄》系列一向都十分收得，不過今次呢套冇咗靈魂人物鄧萃雯真係爭好遠，可見鄧萃雯幾咁重要，係收視保證。
3.《大步走》
2021年播出的劇集《大步走》平均收視有19.3點，劇集以跑步作為包裝，去帶出關於「斷捨離」主題，認為每個人一生都不斷在跑步，導演都想透過劇集去傳遞正能量。不過觀眾睇嚟都真係「大步走」，搞到收視十分慘淡。
2.《蘭花刼》
呢套神作啊真係..拍完11年先於2017年播出，高清時代當道期你播套標清劇集出嚟，收視差都正常。劇情就講三姊妹之間嘅恩愛情仇呢類啦，敗筆當然都係個畫質啦，所以最後平均收視得18點，也實屬正常啦。
2.《刑偵日記》
2021年播出的劇集《刑偵日記》cast同樣超重，視帝王浩信、影后惠英紅同埋金像獎「最佳男配角」姜皓文黑仔都有份出演，劇集就講警方點樣用唔同神技去查案等等，都叫做皇牌主題。但係收視一路下滑，平均收視得13.77點，結局周更加跌至10.2點。
