Moving超異能族丨谷德昭影評：好睇過《魷魚遊戲》超人戲都可以咁感動

Moving超異能族丨2021年Disney+號稱投入500億韓元，打造史上最強超級英雄原創韓劇《Moving超異能族》登陸Disney+後引起唔少網民的討論，仲經常將Netflix爆紅神劇《魷魚遊戲》作比較，指《Moving超異能族》超好睇，但可惜生於Disney+，如果係Netflix一早已爆紅超越《魷魚遊戲》！近日就連谷德昭谷導都寫上影評，大讚《Moving超異能族》好睇，仲好睇到好似以前追TVB劇咁！

Moving超異能族丨超異能族 vs 魷魚遊戲谷德昭：問都多餘

谷德昭近日喺ig出post大讚Disney+大爆韓劇《Moving超異能族》。好多人都會將《魷魚遊戲》同《Moving超異能族》作比較問邊套好啲，谷德昭就表示「問都多餘，一定係《MOVING超異能族》好睇啲」不過唔係話《魷魚遊戲》唔好睇，只係《MOVING》題材屬於「乜Man物Man嗰類超人戲」，但竟然可以每一集都令谷導非常感動，實在係震撼谷導！」

Moving超異能族魷魚遊戲2 第一季男主角「奇勳」李政宰將會繼續出演。 — 《魷魚遊戲》李政宰（圖片來源：Facebook@Netflix）

Moving超異能族丨人物鮮明劇情睇到眼濕濕

谷德昭表示《Moving超異能族》直頭改變咗佢的生活節奏，每逢星期3下午就會等Disney+推出新一集。佢形容就好似以前每晚返屋企坐定定喺電視機隔離等翡翠劇場播出咁。谷德昭首先指《Moving超異能族》人物性格鮮明，其次當中的「情」刻劃深刻，睇到佢眼濕濕，最令佢感動就係「九龍浦與咖啡廳女郎的同是天下淪落人，相逢才知君是痴心Hulk的一段情，實在好睇。」第3講到《Moving》演員方面，佢大讚演員演技簡直係「無話可說」、「抵韓國咁威水」，而且又䚍仔䚍女「點解有本事咁靚但係又咁識做戲？」第4，除此之外，谷導指Sidekicks一樣咁吸引「嗰件唔知咩處嘅處長同埋聞嘢追踪好叻、捽住腳指嚟索住出場嗰個猥瑣人，直情想打爆個電視捉出嚟星兩巴，貨真價實：「沒有小角色，只有小演員」，《MOVING超異能族》裡面，個個都係好演員！」

Moving超異能族「九龍浦」與咖啡廳女郎 — 「九龍浦」與咖啡廳女郎（圖片來源：moving）

Moving超異能族柳承龍、韓孝周、趙寅成 — 柳承龍、韓孝周、趙寅成（圖片來源：moving）

Moving超異能族高允貞係戲中相當吸晴 — 高允貞係戲中相當吸晴（圖片來源：moving）

Moving超異能族 moving深水埗取景 — moving深水埗取景（圖片來源：moving）

Moving超異能族丨一定有金庸先生的鐵粉

谷德昭仲指《Moving超異能族》的編劇中一定有金庸先生的鐵粉，因為劇中張洙源係咁睇金庸的小說，而且對白都有滲出「每套武俠小說其實都是愛情故事」谷德昭表示而剛好《Moving》每位高手都有一段媲美的「楊過與小龍女」的愛情故事！

Moving超異能族張洙源睇緊金庸的《雪山飛孤》 — 張洙源睇緊金庸的《雪山飛孤》（圖片來源：moving）

Moving超異能族柳承龍飾演張洙源 — 柳承龍飾演張洙源（圖片來源：《Moving超異能族》）

譚耀文留言：想做金斗植

唔少網民都有留言回應谷德昭呢篇影評指「九龍浦喊到我個心都酸哂」「剩係睇女主角都正」「係武俠嘅愛情故事！」就連譚耀文都忍唔住留言表示「真係好睇到喊同好唔捨得就嚟完」谷德昭仲問譚耀文想做咩角色，譚耀文搞笑表示一定係金斗植！「hello 你好啊谷導，咁我唔客氣啦，一定係金斗植，因為老婆又靚兼未來新抱仔又Sweet，好心急啊，星期三Omg 」網民仲認為譚耀文做九龍浦都掂。