隱門｜吳岱融成「TVB 第一黐線佬」63歲一出場即演連環發癲槍戰！

隱門︳吳岱融壞事做盡 演獸父！

《隱門》昨晚（29 日）一開始，葉嘯天（吳岱融飾）即壞事做盡，除打劫金舖、開槍殺警面不改容；面對親生女心月（黃智雯飾），葉嘯天亦數度下毒手，單是以暴力威逼小心月接賊贓已喪盡天良。Hugo 繼《巨輪 II》鷲哥後再展奸角魅力，網民看得過癮，讚眼神殺晒兼封吳岱融「TVB 第一黐線佬」：「真係癲過鷲哥」、「氣場真係勁」。為避開獸父，心月改姓埋名企圖開展新生活，卻因葉嘯天刑滿出獄人生再被擾亂，重遇但還未相認一刻已遭葉嘯天強行搶車兼拖落車，整晚劇情關鍵則落在很快認出獸父的心月，能否成功避開葉嘯天追尋…網民指《隱門》開劇節奏明快兼有追看性，並謂 Mandy 角色有新鮮感。

隱門︳吳岱融：真係爭啲撞到

三十年前的槍械劫案場口，除了帶出葉嘯天與心月的衝突，亦帶出葉嘯天及心月與另一主角子喬（陳展鵬飾）的千絲萬縷。相關場口發生罕見意外，拍攝翻車戲期間，由於 Hugo 與翻起車輛距離太近，只差不足一秒 Hugo 便有可能被飛起的車輛撞到；不過根據劇組釋出的花絮片，面對突如其來意外，Hugo 身手敏捷極速彈開之餘，在未有 cut 機情況下，仍能神態自若繼續開槍演戲，相當專業，反而現場工作人員無不「觸目驚心」。Hugo 事後受訪才笑言其實當時「好驚驚」：「架車就喺眼前飛過係驚架，不過盡做啦。」Hugo 又謂當時除了演戲，還有分神留意周遭環境：「我望實綁住車嗰條帶，一拉行我就走（開）。」

即睇《隱門》第一集精華：

隱門︳鏡頭前怒摑 鏡頭背後與小演員有講有笑

昨晚另一亮點是飾演心月童年的鍾嘉佑，面對葉嘯天連串「恐嚇」，小心月眼淚話嚟就嚟，獲讚靚女兼演技不俗。翻查資料，小心月鍾嘉佑曾拍攝《Hands Up》、為《Think Big 天地》擔任小主持等，拍劇經驗除了《隱門》，還有《廉政狙擊》及尚未播出的《奪命提示》。談到與嘉佑合作，Hugo 大讚對方聰明：「佢好醒，導演同幕後亦同佢事前 brief 好晒，佢都了解到只係做緊戲。我哋鏡頭背後有講有笑架。」

隱門︳葉嘯天連環虐心月片段曝光

無綫官方發布一條以葉嘯天「狠樣」及「暴行」為主打的預熱宣傳片，除可一睹吳岱融各式各樣狠樣，還能率先睇葉嘯天虐心月過程。其中一幕葉嘯天服刑期間發狂咬甩囚犯耳仔一幕，據知更因尺度問題出街前決定剪掉；雖然如此，Hugo 目露凶光兼青筋盡露的勁爆狠樣，已足以令觀眾入戲。Hugo 受訪時，坦言是次飾演葉嘯天辛苦之餘亦大壓力：「成日要將個轉數 Tune 到好高，同埋真係打得比較多，所以有啲壓力，自己演繹呢個角色好多時係扯到行晒，好似睇咩都唔妥咁，係好玩嘅，但亦真係需要大量體力。」