《中國新說唱》陳冠希大彈G.E.M.唔識Rap 二人隔空串爆對罵！

撰文：東方新地｜圖片：微博、Instagram-陳冠希、鄧紫棋、mchotdogmusic｜編輯：乖乖隆地洞＠central（原文刊於東方新地）

節目組公布明星製作人名單

熱播中嘅內地選秀節目《中國新說唱》，明星製作人有五位，包括：吳亦凡、MC HotDog、張震嶽、潘瑋柏同鄧紫棋（G.E.M.），而G.E.M.更係節目中唯一一位女明星製作人。

早前，當節目公布明星製作人名單嘅時候，有人就覺得G.E.M識唱歌唔等於識Hiphop。

因此，有部分人對節目嘅導師名單好不滿，甚至指點解個節目會有G.E.M.。

陳冠希大彈G.E.M.唔識Rap 二人隔空串爆對罵！

除咗網友指G.E.M.嘅rap經驗尚淺，質疑其資格外，陳冠希亦都睇唔過眼，串咗G.E.M.兩句。

陳冠希喺MC HotDog嘅IG留言：「LOL Hahahah again on some BS.」「Rappers???? hahahahah u mean a stage full of …／not rappers right???」取笑G.E.M.唔係Rapper。

但過了一回Edison就把留言刪除了。

鄧紫棋串爆反擊

但G.E.M.就一於少理，仲喺IG Post咗一段Rap，串爆睇唔起佢嘅人「誰能像我，早在二十五歲開百場的巡迴，LIVE從不對嘴。」

節目組亦公開咗一班導師親自填詞rap嘅片段，其中G.E.M.以歌詞寸爆haters！

一開始就叫所有女孩企起身，仲暗寸啲睇唔起女性嘅人：「把你石器時代的思想全都拋開」

G.E.M.仲用佢嘅巨肺rap出：「要是不服的話，你高得上去嗎？」唱咗一段高音，分明串死haters！

鄧紫棋成功逆襲

片段一公開，G.E.M.就逆襲成功，獲得粉絲力讚，亦有網民指佢嘅實力比只會批評別人嘅人更有實力。

另外，有網民撐佢嘅實力拍得住一眾男導師，絕對係實至名歸！

https://www.instagram.com/p/BlN5AZRHuz4/?hl=zh-hk&taken-by=gem0816