邊度都有外星人︳達文西第5類接觸？ 名畫隱藏外星人！

達文西短短2年隱居山洞後精通天文地理

史上最偉大的天才達文西，畫出珍貴名畫《蒙娜麗莎的微笑》、《最後的晚餐》，仲上知天文，下知地理，哲學、解剖、音樂建築、數學、幾何學、物理通通難佢唔到！而最近一集《邊度都有外星人》就講到，達文西並唔係一出世就係天才，24前一直只係平平無奇，去到26歲，短短2年成個人脫胎換骨！原來達文西喺手稿都有提到自己喺呢2年隱居山洞，離開山洞之後先突然精通所有嘢，令不少人懷疑達文西喺山洞中係咪遇到地心文明的人／未來人！

身世一直都非常神秘

達文西的身世一直都非常神秘，外界對達文西的身世一直不了解，佢人生留底咗300幾頁的手稿，都俾指係光明會的高層Bill Gates買斷咗做收藏，有唔少陰謀者都懷疑Bill Gates係想研究手稿上的科技文明。

名畫對疊後 出現外星人同蜥蜴人！

而達文西名畫出名非常特別，研究底下發現將名畫《施洗者約翰》對疊的話，竟然暗藏外星小灰人！除此之外，13幅達文西的畫作中，都有出現唔同形態的小灰人同埋蜥蜴人的樣，非常詭異！

《救世主》暗藏天國位置的大秘密

另一幅名畫《救世主》仲誇張，竟暗藏天國位置的大秘密？！節目指出有研究者發現畫中上水晶球上面的三點係對應了獵戶座腰帶的3粒星星，節目都講到幾十億年前星球大戰時期，蜥蜴人據點正正就是在獵戶座腰帶。如果將《救世主》分左右對照，左邊反射重疊之後，衣服上分別顯示咗人類閉合式的DNA及人類的頭骨，右邊反射重疊的圖就顯示出開放式的外星人DNA，而下圖就畫出外星人的頭形，非常誇張！

整合《救世主》主題以及古老預言，研究者就判斷達文西當年喺山洞可能真係接觸咗外星人，而將未來科技及知識文明傳咗俾達文西，所以就成為咗達文西畫中的小灰人，即係救世主！