跳跳跳台灣旅行團｜Stanley女友Alina情緒失控要人𠱁 網民：勁港女！
跳跳跳台灣旅行團｜主持Alina、右雨舞者出身
Alina李炘頤和右雨參加《全民造星3》入行，近日孖住主持《跳跳跳台灣旅行團》，出發到台灣訪問當地不同舞團，一起練舞再快閃街頭跳舞。但觀眾對Alina表現彈多過讚，在ViuTV專頁下留言話要「熄機」。
Alina被鬧港女格現型
被網民鬧得最多是指她「港女格」、「經常擺臭臉」，最多負評是訪問當地超紅舞團Enerteen跳Kpop，Alina在跟學生妹打扮的青春舞者學舞時，因為跟不上，忽然離隊一支箭走開，令所有人大感錯愕追問：「她要離開嗎？」、「她去練習嗎？」氣氛跌至冰點，攝影師及右雨都無法接近，最後只有化粧師能埋身安慰，Alina一度抺眼淚，右雨及舞者不停張羅紙巾給Alina，情緒平伏後的Alina才歸隊，回去時卻淡然表示只是氣自己跟不上舞步，反要舞者們不停安慰她。
跳跳跳台灣旅行團｜網民怒斥：Alina唔識尊重，連累拍檔右雨應付
事後Alina解釋自己不能看片學舞，自己從來無學過這種舞種，網民洗版鬧爆Alina無禮貌，要全世界受氣，「佢集集都係咁嘅態度，太自我，之前又笑似跳緊大媽舞，佢連大媽舞都跟唔上」、「完全唔識尊重，黑面，仲要右雨幫手解釋，右雨仲怪自己無照顧拍檔感受，Alina要全世界圍住佢一個轉」、「好唔專業，好差，港女囉」、「Alina集集都話自己唔係跳開呢種舞，人地右雨都係啫，係睇你投唔投入，佢啲戲都唔交。」
跳跳跳台灣旅行團｜Alina事前認叻：如果唔得，枉我曾經係專業舞者
有網民鬧爆睇咗幾集，忍足Alina咁多集，但為了支持右雨局睇，周四晚一集，訪問舞界前輩王者DaRumors，兩位主持學hip hop，Alina中場休息訪問時就大口氣指：「一個鐘學半分鐘舞好平常，都係六個四拍啫，我做唔到，就枉為以前係一個專業舞者」。
跳跳跳台灣旅行團｜Alina撐：喺我生命中無出現過呢個動作吖嘛
但練習時進度跟右雨差一大截，事後孔明的Alina再對鏡頭話：「咁呢個動作從來無出現喺我生命度吖嘛。」網民力斥Alina態度有問題，唔止排舞，一大班人去夜市時，舞者指Alina說話都很快，Alina即刻意慢三倍把說話再講一次，網民指「Alina係咪覺得咁樣好funny？窒到人都唔知，仲要個舞者幫佢兜。」
跳跳跳台灣旅行團｜網民：右雨一個主持得啦
Alina被網民鬧爆「佢真係好唔專業，成日扮晒嘢」、「右雨成日講嘢好興奮，但Alina次次都係慢人一拍，完全將成個氣氛降溫」、「Alina好明顯同右雨唔熟，但右雨表現投入啲，跳親都好開心，但Alina淨係黑面話自己唔係跳開呢種舞」、「Alina呢啲格，唔可以同女主持合作，要搵男主持得閒讚下佢個種」、「仲有成個禮拜點頂？淨係想睇右雨」。
