社內相親︳教主Anson Lo激嘴陳漢娜網民唔收貨嫌無美感：學吓TVB啦

電視

ds ds ds

港版《社內相親》已經進入中段部分，Edan同沈殷怡呢對副CP修成正果外，Anson Lo同陳漢娜都sweet到爆，集集都狂咀咀，睇到觀眾心跳加速，心臟壓力很大！不過有網民就認為Anson Lo同陳漢娜的親熱場面唔夠有美感，應該參考TVB?

社內相親︳Anson Lo陳漢娜狂嘴嘴街邊啜到公園

《社內相親》第十一集時Anson Lo同陳漢娜簡直係打得火熱，一集連嘴2次，先喺街頭攬到實啜啜！

再喺公園仔嘴嘴，Anson Lo先調戲陳漢娜呃佢話佢嘴有污糟嘢，再啜陳漢娜，後來陳漢娜仲要反手激嘴返Anson Lo，場面勁心動！

社內相親︳吻戲網民唔收貨：學吓TVB啦！

雖然呢2幕都睇到唔少神徙心臟爆炸，但有網民就喺討論區「我老細怕咗呢班煩膠導致精神分裂關注組」出post，表示覺得公園仔嗰埸吻戲唔算拍得好好，美感一般，唔知點解導演肯收貨！「識唔識錫女人㗎？個手法同個嘴奇奇怪怪咁」「點解係錫上唇？人哋正常接吻劇唔係咁錫的。」「錫落個女仔上唇+嘴角？」「一啲美感都冇，韓劇男女主角kiss好有美感同好自然」「Viu啲導演好野，咁都拍得出」「錫得有啲肉酸，完全唔自然」「畫面好恐怖」「浪漫情節都可以拍到好似恐怖片咁」「佢地啲kiss戲好唔自然，TVB唔會拍到咁」「TVB咁出街會分分會比啲師奶投訴「令人不安」」「完全唔浪漫…好老尷」

社內相親唔知網民想參考tvb邊套劇呢。劇照示意圖 — 唔知網民想參考tvb邊套劇呢。劇照示意圖（圖片來源：《賭城群英會》）

社內相親《名媛望族》劉松仁楊嘴怡 — 《名媛望族》劉松仁楊嘴怡（圖片來源：《名媛望族》）

社內相親蔡潔肉緊咀楊明。劇照示意圖 — 蔡潔肉緊咀楊明。劇照示意圖（圖片來源：《一舞傾城》）

社內相親香港人在北京傅嘉莉兩人飲完酒後意亂情迷，差啲發生關係！ — 洪永城與傅嘉莉喺《香港人在北京》飲完酒後意亂情迷，差啲發生關係。（圖片來源：《香港人在北京》劇照）

社內相親新聞女王佘詩曼短短幾秒的預告已經睇到網民嘩嘩聲。 — 《新聞女王》佘詩曼肉搏譚俊彥（圖片來源：新聞女王）

亦有網民認為陳漢娜吻戲唔夠投入，不如都係嘴返edan算！「唔該專業少少，扮返好開心嘛。個女仔每一幕點睇都係驚到想避開，好似遇到痴漢咁。心入面嗌快啲收工叫 cut 啦，viu 個導演有啲要求好唔好。咁都收貨」「錫返edan自然啲」

社內相親網民覺得嘴edan似乎自然啲 — 網民覺得嘴edan似乎自然啲（圖片來源：《大叔的愛》）

社內相親留言截圖 — 留言截圖（圖片來源：fb＠我老細怕咗呢班煩膠導致精神分裂關注組）

不過都有網民力撐無問題，而家唔興TVB嗰種啜啜，而且只係跟返韓版劇情啫，期待可以快啲睇到2人更多sweet爆畫面！

睇返韓版對照圖：

重溫《社內相親》親密場面

社內相親︳陳漢娜第三集胸壓Anson Lo嘴到實

Anson Lo和陳漢娜呢對主CP第3集就已經有超親密嘅場面播出！劇中陳漢娜為躲避被家人發現自己與Anson Lo的關係，在睇見屋企人後就火速躲去Anson Lo身後，點知唔小心拉跌埋對方。最後陳漢娜直接壓在Anson Lo身上，仲同佢嘴到實！

社內相親 ansonlo — 陳漢娜為避開屋企人拉實Anson Lo齊齊跌落地，仲成個人壓喺Anson Lo身上兼嘴到實！（圖片來源：ViuTV截圖）

社內相親 ansonlo 韓版呢一集則係第二集就已經上演，不過女主角係想伸手拉住男主角時被拉跌，最後嘴埋一齊。 — 韓版呢一集則係第二集就已經上演，不過女主角係想伸手拉住男主角時被拉跌，最後嘴埋一齊。（圖片來源：影片截圖）

社內相親︳第9集Anson Lo陳漢娜sweet爆嘴足15秒

Anson Lo同陳漢娜在劇中keep住有互動，但係二人的親熱場面就等到第9集先再出現。劇中Anson Lo向陳漢娜表明心跡，但係陳漢娜因為自己太平凡而唔夠膽接受Anson Lo的表白。當Anson Lo聽見陳漢娜的顧慮後，man爆表示會盡全力唔俾陳漢娜擔心嘅事發生，被打動的陳漢娜最後主動嘴Anson Lo，兩個人嘴足15秒先鬆口！Anson Lo錫陳漢娜鼻尖的一幕仲被大讚甜過韓版！