晚吹＠改名︳BabyJohn被以為係Baby Shark個名嚟自《西城故事》！？
廣告
ViuTV長壽節目《晚吹—空肚講宵夜》每集都會有唔同主題，三位主持人梁祖堯、BabyJohn（蔡瀚億）及Hailey（陳俞希）都會圍繞主題分享見聞。昨晚（3日）最新一集以《改名》為主題，教大家一個「名中註定我愛你」的計算方法，其後BabyJohn仲分享佢一次被誤會的趣事！
「名中註定我愛你」
玩法就係將自己個名同對象個名隔住咁寫出嚟，然後將筆劃計出嚟，左右互減，減至最終的數就係答案，0就係會結婚，1係交往，2係曖昧，3係約會，4係朋友。
BabyJohn被以為係Baby Shark？
BabyJohn（蔡瀚億）喺節目中分享因為自己個名被誤會成Baby Shark的一次趣事：「有一日收到IG DM有工作邀約，我就交畀經理人接洽，客戶希望我參與一個網上兒童節目，要求報價，我經理人就再了解工作內容，是做主持、配音，還是拍攝？客戶繼續不停解說，突然靜了，我經理人問客戶：「其實你係咪唔係想搵BabyJohn，而係想搵Baby Shark啊？」然後客戶靜了，尷尬地答了一句：「係啊⋯⋯」原來客戶將BabyJohn誤以為BabyJohn就係Baby Shark嘅版權代理人。
BabyJohn源自《西城故事》
蔡瀚億的英文名由來，源自他中二時首次參演學校舞台劇所飾演的角色，讀中二時的BabyJohn就想做演員，「一天在學校見到張海報，有話劇徵求演員，我見有得玩、有得識朋友、可以去西灣河文娛中心演出，立即報名。表演完，台下掌聲如雷，我感覺良好，決定大個要做演員。」定情劇是《西城故事》，他的角色名叫BabyJohn——名字被他沿用至今，就是不忘初衷的意思。
圖片來源：《晚吹》截圖
