愛回家｜編劇大暴走？！狂串疫情問題睇到觀眾眼都凸埋！

《愛回家之開心速遞》可謂TVB劇集中比較貼地而且風格都較大膽，收視一直都叫唔錯。而昨晚（14日）最新一集《愛回家之開心速遞》編劇好似大暴走，《愛回家》突然變古裝劇，故事仲講一種城內被一種不知名的病毒蔓延，搞到人心惶惶。不過劇情點會咁簡單，整集不斷將整個疫情發生的問題一一抽水，就連限聚集、酒店隔離、自我檢測、就連蓮花清瘟膠襄都抽埋，睇到觀眾真係眼都凸埋！

阻止病毒爆發官府實施一系列措施完全抽足政府水

昨晚（14日）最新一集《愛回家之開心速遞》故事講述城內被一種不知名的殭屍病毒蔓延，為阻止病毒大爆發，官府立刻實施一系列的措施包括封城、有病徵者要帶去醫館進行隔離、密切接觸者要進行居家自我隔離14日、客棧要被官府徵用作為隔離旅館之用、商鋪只作有限度營業、禁堂食只可外賣同埋2人限聚令，官府呢一系列的措施真係抽足政府水！

抽水抽到乾連蓮花清瘟膠襄都抽埋變「菊花清殭錦襄」

故事仲講到根叔一家就係營運客棧，因人流密集立即被圍封，根叔一家開始進行隔離、自我檢測同時迫客人做強制檢測！而被檢測有病徵者就要捉去隔離，故事仲講到有客人只係被狗所傷都被當作病徵者捉去隔離，認為去到實「死緊」唔中都變中！接住搞到金城安發現自己有病徵都唔敢上報，真係似足早前爆發疫情時的問題！不過呢啲都係其次，重點《愛回家》仲要抽埋連蓮花清瘟膠襄！根叔於《愛回家》的人設一直都係一個貪小便兒的人，根叔就襯隔離時自制一個叫「菊花清殭錦襄」去賣俾迷信、不安的客人，途中有俾熊若水質疑根叔唔識藥物的知識都整藥，會唔會食死人，根叔就指唔需要食，只係擺喺度，令人得以安心，強調「冇用架只係迷信嘢」係明呃錢，然後客人個個爭住搶！似足早前爆發疫情時，市民個個搶購蓮花清瘟膠襄的情況。除此之外，仲有譚校長爆金句「上宣」，意思指隔離時隔住對門教書的防疫教學新招式，暗喻學生疫情時「上zoom」的情形。