思家大戰︳羅毓儀：夫妻每日都要做愛的事 陳茵媺爆同陳豪房事頻率
廣告
由李思捷主持的《思家大戰》最新一集搵嚟劇集《羅密歐與祝英台》的「祝英台隊」與「羅密歐隊」，祝英台隊成員有陳茵媺、古佩玲、馬海倫、蔣祖曼及羅毓儀。李思捷其中一條問題中，羅毓儀、陳茵媺的答案非常大膽令觀眾難以忘記！
思家大戰︳羅毓儀：夫妻每日都要做愛的事
《思家大戰》中李思捷問到「祝英台隊」「講一樣一對恩愛夫妻每一日至少會一齊做一次嘅嘢？」羅毓儀隨即答咗「愛」！李思捷以及「祝英台隊」隊員都聽到傻眼，而羅毓儀講完自己都尷尬掩面傻笑，全場拍晒手掌。李思捷追問「你一日至少做一次，咁你一年要做幾多次呀，365次！俾啲掌聲佢好無呀，好勁呀你老公，你都好勁！」說罷，答案真係榜上有名，羅毓儀即開心到彈起「真係有！」
思家大戰︳陳茵媺：「At least！」
李思捷問完羅毓儀之後，輪到陳茵媺時，再問「你同啊mo都係365次？」陳茵媺竟認真回應「「At least！」李思捷聽完再次傻眼大笑「At least呀？起碼365次啊mo！陳豪，好嘢啊，生多件！」後來陳茵媺答每日都同老公「say I love you」可惜答案係唔啱。
網民：唔怪得陳豪陳茵媺四年抱三
唔少網民對於羅毓儀的答案都大讚可愛，又話後生女有體力有咩問題「後生一日幾次都得添 」「我睇到條題目都係咁諗，不過無諗到佢會直接講出嚟，以為會用下其他字眼」網民又話唔怪之得陳豪同陳茵媺係圈中模範夫妻，二人四年抱三，誕下兩子一女「陳豪個人愈嚟愈乾」。反而認為李思捷反應似乎太守舊「又係度扮驚訝」「個效果尷尬到」「依個節目啲內容真係好低質」
圖片來源：《思家大戰》、IG@aimeechan_official
