季前賽｜姜濤肥仔重現王家衛經典作品 大講曖昧對白！
廣告
ViuTV近日由張繼聰、姜濤、陳卓賢、呂爵安領銜主演的新劇《季前賽》引發不少話題，昨日（3日）播放最新一集，講到孝媽登場，阿孝姜濤因為孝媽細個時拋低咗佢而趕走孝媽，豬潤肥仔就幫口，覺得唔應該咁絕，於是同姜濤出現爭執，肥仔走佬去中醫館寄宿，喺呢個時候，竟重現王家衛經典作品？！
肥仔重現《阿飛正傳》張國榮經典場口
姜濤同肥仔和好，姜濤去中醫館搵返肥仔，呢個時候肥仔竟然開始重現王家衛作品《阿飛正傳》同《春光乍洩》的經典場口，非常搞笑！肥仔突然嚟個內心獨白，如果有睇王家衛作品的觀眾，應該知王家衛的電影中好喜歡內心獨白，呢個時候肥仔仲要只係著住一件白色背心同埋短褲，然後響起黑膠唱片機，開始跳起舞嚟，似足《阿飛正傳》張國榮跳舞的經典場口！
肥姜合體向《春光乍洩》致敬？！
呢個時候姜濤嚟到，好型咁靠喺門邊，同肥仔一前一後氣氛非常曖昧，然後姜濤向肥仔道歉更表示「不如我哋由頭嚟過」，走向肥仔用手撫摸肥仔的臉頰，仲話「如果屋企仲有一張床位，你會唔會同我返去」然後2人更跳起舞嚟，非常有對《春光乍洩》致敬的感覺！網民睇完都不禁高呼「肥姜呢個組合真係好正！」「想睇肥姜呢條線」
圖片來源：《阿飛正傳》、《春光乍洩》截圖、《季前賽》截圖、
