全民造星5｜翻版Dee哥出場 勁人終於出現：3甲人選！

全民造星5｜翻版Dee哥出場 堅係大律師

98號Aaron因為樣貌似Dee哥的關係，未出場已獲得唔少網民的關注，去到昨晚第8集出場時，Aaron竟然仲要係一位大律師！剛好何啟華Dee哥對上一套電影《毒舌大狀》就係飾演一位法律行政員，簡直就好似「世上另一個Dee哥」，就連《全民造星V》的旁白君介紹Aaron時都忍唔住以「多重宇宙」去介紹。不過Aaron同Dee哥的性格就完全唔同，喺初次面試時，仲被導師忠告佢「比多啲真誠，收起小聰明」。 雖然導師就對Aaron有啲小意見，不過網民似乎就幾like Aaron「真係好似dee哥，講嘢啲動靜都好似」「講嘢真係幾有說服力」「簽啦 依個好討好」「毒舌係真㗎」「viu 係咪要開套兄弟劇」「把口果然好叻」「喂我幾鍾意喎」「下 幾好笑喎，你唔鐘意啫 我鐘意喎」「小聰明先好睇」「想睇佢即刻駁嘴」不過都有網民認同導師「一兩次就fun

次次都係咁就好煩」「真誠真係好重要」

全民造星5｜翻版Dee哥全靠口才成功入圍

不過最令人驚喜，就係Aaron成功入圍，並唔係因為佢唱歌加跳舞出色，而係大法律的口才，成功說服到評判。Aaron喺表演完唱歌後並無因此獲得藍燈，跟住試圖去說明評判，解釋自己的表演的靈感因為佢細個時我的志願係想做小丑表演等世界多啲歡樂，而當時的老師就同佢講其實你要做醫生或者律師先有用架，而時間過咗，Aaron表示佢就成為咗呢位老師口中的大律師，但佢無忘記佢想表現呢樣嘢。就憑Aaron呢番感言，成功令sunny為佢按上一盞藍燈，後來再說掂埋伍姑娘都為佢按上藍燈，認真係口才了得。sunny都表示好耐無見過一個年輕人無講稿都講得咁流利，仲話呢個特點好似仲難搵過唱歌好好聽的人。

一齊睇返Aaron表演：

全民造星5｜超強參賽者出現：佢已經係一粒星

今集終於爆出勁人，呢位9號參賽者Lyman Heung（香胤宅），夏威夷州出生，香港長大、英國讀大學。CV非常利害，曾經係音樂劇《芝加哥Chicago》團員，Lyman Heung的演出令導師同評判都讚不絕口，睇到導師陳蕾燈都唔記得㩒！評判Sunny都表示《造星5》真係做到搶人材，個個都大讚Lyman Heung已經係一粒星。