全民造星5丨Jay Fung做導師成花姐首集開波之人！網民反而勁讚？

全民造星5丨Jay Fung做導師成花姐首集開波之人！網民反而勁讚？

全民造星V︳花姐狠批Jay Fung：你包裝得自己好好

《全民造星V》今集導師陣容大換血，由「豹哥」陳蕾以及「ON仔」陳健安為一組，Jay Fung馮允謙與韋羅莎為一組。兩組導師都非常有睇頭，而估唔到花姐今集第一個開聲狠批的人竟然係導師Jay Fung！《全民造星V》介紹每個導師的個人特色，講到Jay Fung時，就指佢個人太「腍善」，簡直係一個大好人超nice，Jay Fung都笑指驚自己會俾返啲參賽者恰。花姐對於Jay Fung呢個性格，竟狠批佢「包裝得自己好好，包裝到自己無乜血肉，作為一個節目監控，Jay Fung唔係一個interesting的人」。花姐呢番說話一出，就引起唔少網民不滿，認為佢勁寸Jay Fung，話中有話！

全民造星V︳Jay Fung勁搶fo 網民：好想睇佢成長！

Jay Fung對於花姐呢番狠話都表示深受打擊，都話覺得自己好悶，花姐就補充覺得Jay Fung心裡面唔係真係咁悶。繼而Jay Fung都想透過今次《全民造星V》成長，學識點去表達自己，仲放狠話同花姐講話唔會俾佢睇死，要做一個好的導師，叫大家好好期待！唔少網民都大讚Jay Fung真係好好，仲話好期待睇《全民造星V》Jay Fung點成長「Jay Fung真係好nice好溫柔」「Jay fung 真係好好」「睇Jf成長」「Jf真係好啱做老公」「Jay fung好true」「I loveJay fung BB」「Jayfung應該三集內會喊」「Jay fung做自己」

全民造星V︳Jay Fung終於鬧咗一句！

唔會鬧人的Jay Fung喺節目中花姐不斷迫Jay Fung學吓鬧人，跟住Jay Fung就喺首輪面試時爆咗句「你係咪今日無食早餐呀」睇嚟已經係Jay Fung好大的突破，網民認為Jay Fung鬧人反而覺得佢勁cute「Why JF so cute」「好似學生學緊嘢咁樣」「jf 好人到好好笑」「Jf會唔會畀啲組員x返轉頭」