韓真人騷《伊甸園》再玩出新尺度 主持人都嫌棄
廣告
南韓戀愛真人騷《伊甸園：本能的後裔們》，號稱比《單身即地獄》尺度更加大。由幾位年輕男女喺6日內入住位於濟州島嘅「伊甸園之屋」，宗旨係忠於自己嘅本能、尋求真愛嘅戀愛真人騷。第一集就播出泳裝登場、肉貼肉嘅近身閃避球戰就引起韓網熱論。而最新一集嘅「肢體接觸任務」更加係令主持人都嫌棄。
最新一集玩「肢體接觸任務」
《伊甸園》第四集其中一個環節係要進行20分鐘嘅肢體接觸任務，最先完成嘅人就會獲勝，美持人普美表示：「所以係咪可以一個人同時對住好多個人一齊進行都得？感覺會出事啊！」為咗完成任務出現咗各種名場面，女參加者金娜妍首先坐咗喺男參加者梁昊錫嘅大腿上深情對視一分鐘，兩人嘅親密行為仲要非常曖昧，但同時金娜妍仲要手拖住另一位男參加者李正炫，李正炫可能見到兩人嘅畫面太親密而打算離開，但又被金娜妍拉返嚟並表示想幫佢擦指甲油，李正炫聽到就又露出笑容。
主持人一面嫌棄
雖然係任務所需，但對於金娜妍嘅「一拖二」行為，主持人普美都表示：「咁樣做會有啲嬲！」，另一位主持人李洪基仲一臉嫌棄表示：「非常煩躁！」望住自己喜愛嘅對象同人有親密行為打算離開「眼不見為淨」點知被人拉返嚟，心情確實係會有啲煩躁。
圖片來源：IG@zemmixcnb, YouTube＠에덴, 본능의 후예들
