開心無敵獎門人|炎明熹上節目被戲弄勁尷尬 C君爆高層內幕?!
炎明熹《獎門人》任人宰割 聞胳肋底
第五集《獎門人》請來「聲夢傳奇隊」同「J2ers 隊」上台玩經典遊戲,不過「聲夢傳奇隊」After Class成員就只有gigi一個。而昨晚首度重現的經典遊戲「開心無敵爆大波」,期間笑料十足,打頭陣出場的 Gigi 被大波波嚇到失晒魂,期間瘋狂飆高音兼唱歌,盡顯火星人本色。事後緊張到爆汗的 Gigi 以衫袖抹去嘴上的汗,但由於動作相當滑稽,惹得森美爆笑問道:「你做乜聞胳肋底?!」
![獎門人 炎明熹第一次玩呢種遊戲](https://imgs.orientalsunday.hk/wp-content/uploads/2022/08/10_2088573152630c3a9d78892-1024x682.png)
馬上睇片重溫:
在「開心無敵估歌仔」中,「聲夢傳奇隊」再次展現音樂天分,連續估中 4 首歌,眼見 「J2ers 隊」食白果,獎門人好心給他們機會反擊:「最後一題答中,就當你哋贏!」結果胡敏芝成功估中答案「一個救全家」,其他 J2ers 即時將她拋起慶祝,氣氛熱鬧。
![獎門人 炎明熹 陳欣茵扮姣聲演「綠茶婊」。](https://imgs.orientalsunday.hk/wp-content/uploads/2022/08/32_1296843506630c3d18b5ef9-1024x683.png)
Gigi扮豬叫
「開心無敵大電視」環節同樣搞笑,慘遭圍攻的 C 君被指是「哈比人」及「粉腸」,陳欣茵不顧形象發出姣爆聲音扮「綠茶婊」,Gigi 則放下偶像包袱扮豬叫,十分落力。去到觀眾 最愛的「開心無敵彈遮遮」環節,森美與 C 君組隊出戰,但兩人頻頻答錯問題硬食淋雨 酷刑;向來鬼主意多多的森美竟「開外掛」拿出私家遮,最後被獎門人發現兼沒收,非常過癮。
![獎門人 炎明熹 「開心無敵彈遮遮」又係笑死人](https://imgs.orientalsunday.hk/wp-content/uploads/2022/08/35_1841360699630c3c779f85b-1024x682.png)
同場加映:炎明熹唔知幾時出糧
17歲炎明熹(Gigi)上周六(8月27日)現身尖沙咀出席音樂節活動。提到有指她人氣爆紅後,吸金力驚人,4個月穩袋過百萬,距離她置業目標10層樓相當近,Gigi聽到後相當困惑表示,因為她自己都唔知幾時出糧,係邊個戶口度。
![獎門人 炎明熹在尖沙咀出席表演活動](https://imgs.orientalsunday.hk/wp-content/uploads/2022/08/-2022-08-29-12.17.24_1008069175630c3dfff2e3b-1024x584.png)
買樓係屋企人目標 自己戶口都未有
炎明熹受訪時指,買樓呢件事就由佢順其自然地去,因為買樓是屋企人給自己的目標,所以就轉化為同家人一起努力的目標,所以就順其自然地去做,不會給自己太大壓力。被問到是否坊間所指賺到過百萬,炎明熹則話唔知,更反問,我可以開銀行戶口嗎?再被問到人工去咗邊,Gigi則答可能係公司;當記者再追問對方到底幾時出糧,炎明熹最後就表示不清楚幾時可以出糧,戶口在哪裡,更反問可以喺邊度Check?因為她表示連經理人都唔知道這件事。
睇片重溫當日活動:
受訪指齊蔭髮型難超越
炎明熹接受由鄭裕玲(Do姐)主持的商台節目《口水多過浪花》訪問時被Do姐問起髮型問題,炎明熹就指齊蔭長髮是她的icon,雖然容易被大家認出,但她暫時不會改髮型;Do姐就直言其髮型已經維持一年,認為歌手的形象要多變才好。「你使唔使改變吓形象?演員可以唔多改變形象,因為佢哋會做戲,重新設計啱嗰個角色嘅形象,但歌手呢,不嬲以嚟要多啲變化,你呢個髮型已經好耐,你諗住短蔭到幾時呢?」Gigi說:「我想,但好難搵到一個髮型超越佢,有人鍾意我留蔭,有人唔鍾意我留蔭,鍾意我中分(中間分界),我諗用假髮解決咗佢先,我都覺得中分會成熟啲。」炎明熹又在節目上透露想報讀時裝設計或者音樂,更表示:「今日呢套衫,都係我自己襯,我著咗對鴛鴦襪。」Do姐望一望也表示贊同:「係喎,幾好睇喎!」
開心無敵獎門人有多少位長老?
《開心無敵獎門人》由「獎門人」曾志偉率領六位「獎老」,而早前曾志偉曾因確診而缺席一集《開心無敵獎門人》的錄影,由蘭茜暫代該集主持。而六位「獎老」分別包括錢嘉樂、阮兆祥、麥美恩、程浩駿、吳嘉儀、林穎彤主持。
網民對《開心無敵獎門人》有何感想?
《開心無敵獎門人》除咗同嘉賓大玩遊戲之外,仲被網民指節目總有淡淡的「低俗味」!今集都唔例外,玩遊戲「燈燈燈」時,嘉賓需要因應獎門人開出的題目擺上…詳情請看