一舞傾城｜5大夜場術語全解析！「舞小姐」用兩大術語區分服務？

一舞傾城︳「金魚」、「木魚」術語區分舞小姐

《一舞傾城》除咗一啲大尺度畫面同劇情之外，都有展現唔少80、90年代的夜場文化，同舞小姐生活等。每個職場文化唔多唔少都有啲術語，夜場更加唔例外，《一舞傾城》經常大講一啲夜場術語如「金魚」、「木魚」、「食糖水」、「豬」等。原來「金魚」、「木魚」係用嚟區分舞小姐，就如蔡潔飾演的角色就係「金魚」，「金魚」的意思係唔會提供性服務，只會陪吓客人把酒言歡，只可遠觀不可褻玩。相反「木魚」就係可以「帶出街」，隱喻可以「上」的意思。

一舞傾城︳食糖水唔係真係「食糖水」

「豬」呢個術語就比較普遍，用嚟形象「處」。所以喺《一舞傾城》中，沙律媽就會叫仲係處的「木魚」kk「保住隻豬」。而「食糖水」的意思唔係真係食糖水，原來有「開房」的隱喻，因為「食糖水」諧音係「石塘咀」，舊時代石塘咀「塘西」係流鶯集中地，好多人去嗰度尋歡作樂，「食糖水」就係咁嚟！

一舞傾城︳黃霑大揭秘大講夜場文化

除此之外，TVB為咗宣傳《一舞傾城》就推返黃霑曾拍過的節目《TVB大寶藏》，講返上世紀八、九十年代香港夜場「真面目」。內容都有講到一啲夜場術語如「插飛」，意思就係以前啲小姐計鐘錢的方法，會喺一張紙仔寫上記號，而每插一張飛的時間大概係唱完一首歌的時間。

一齊睇片：