Ikea推創新另類美食！嘢食都可以可持續發展 竹炭熱狗、素肉丸登場

撰文：海月｜圖片來源：Ikea

Ikea推創新另類美食！嘢食都可以可持續發展 竹炭熱狗、素肉丸登場

Ikea肉丸平、靚、正係人都知，不過今次竟然推出「植物素肉丸」，更表明植物素肉丸無論外觀、味道及鮮嫩多汁的口感均與瑞典肉丸如出一轍。Ikea植物素肉丸由豌豆蛋白、馬鈴薯、洋蔥、燕麥和蘋果製成，當中秘訣包括萃取豌豆蛋白所需的特別技術及以菇類、番茄、烤蔬菜製成的粉末增添肉類鮮味，所以食起嚟同傳統Ikea瑞典肉丸相當接近，不過產生嘅氣侯足跡就只有傳統肉丸4%。

「植物素肉丸」由10月1日起，於香港及澳門全線Ikea分店餐廳及瑞典美食廊推出：植物素肉丸伴薯蓉配青豆、紅果醬及忌廉汁（HKD23/8粒/ MOP23/8粒），充滿瑞典風味的紅果醬味道酸甜，配上濃郁的忌廉汁，係瑞典人品嚐肉丸嘅最佳配搭。

另外，喺10月1~31日Ikea餐廳亦推出多款創意滋味美食，包括帶香烤焦糖味的烤豬鞍架伴焦糖蘋果及香草烤南瓜（HKD59/ MOP69）、由傳統和食啟發嘅烤鰻魚日式炒飯（HKD49/ MOP56），以及健康清新滋味蜜糖火腿蛋薯仔沙律（HKD36/ MOP36） 。

同期Ikea美食站亦推出多款滋味小吃，包括：粒粒千層麵（HKD10/3粒/ MOP12/3粒），以及10月13日正式登場嘅萬聖節期間限定、「相機食先」嘅珍寶芝士雞肉醬竹炭熱狗（HKD16/ MOP16）。