【芫茜雞蛋仔 】美食定劣食？超極端味道食物. 網民：我完全想像唔到囉！ 仲有黑松露漢堡

撰文：海月丨圖片：海月

【芫茜雞蛋仔 】美食定劣食？超極端味道食物. 網民：我完全想像唔到囉！ 仲有黑松露漢堡

講到「超極端味道食物」，唔好以為係「勁甜」、「勁辣」之類嘅極端，而係講食物嘅味道引起唔同人極端嘅反應，「芫茜」就係當中嘅代表。有人好鍾意、有人一聞到就覺得想嘔。今次竟然有人將「芫茜」變成「芫茜雞蛋仔」，大家又點睇？

樂富商場嘅「滿紛廚房」，今期直到12月就推出香草特製飲品及小食，包括有營「茜」利檸檬梳打、 清熱臭草珍珠奶茶、濃郁香茜雞蛋仔及香甜羅勒雞蛋仔。而且由10月31日起連續三個星期六及日，只要上載樂富廣場都市農莊、或指定道具嘅合照到社交媒體，設定為公開再標註 #樂富廣場，就可以免費試食有營「茜」利檸檬梳打、清熱臭 草珍珠奶茶、濃郁香茜雞蛋仔或香甜羅勒雞蛋仔其中一款。不過每日名額 500 個，先到先得額滿就無㗎喇！不過就算無哂免費，都可以俾錢買嘅！

其實以上嘅「芫茜雞蛋仔」都係為咗推廣樂富廣場全新設立嘅「都市農莊 」，唔單止九龍區商場唯一設戶外都市農莊，更佔地約 3,000 呎，提供超過 1,000 個種植點，種植包括有機蔬果及香草等60種農作物。如果喺樂富商場消費滿1,000元或以上，更可免費參加都市農莊導賞團 。不過最正嘅，都係香草特製飲品同小食，你又夠唔夠膽試？

另外，踏入微涼秋日，又嚟到松露當造嘅季節。今次Shake Shack就乘勢推出香港首次登場、期間限定嘅黑松露系列，矜貴嘅冬季黑松露飄散濃郁香氣，不過亦都有人覺得黑松露嘅味道好濃烈好「臭」，到底以下三款Shake Shack黑松露食品你敢唔敢試？