榴槤芝士超邪惡元朗新店必試甜品薄餅

香港人最鍾意飯後甜品，不吃甜食，餐飯總係差少少。不過飯後甜品，來來去去都是芝麻糊、紅豆沙、楊枝甘露乜乜乜，真心食到悶。近日滿記甜品開設新全新品牌Sweetish by HONEYMOON DESSERT，大玩新派甜品，全都是引死人的天使與邪惡魔鬼組合，當中最吸引是甜品薄餅，有榴槤芝士、士多啤梨棉花糖等口味，未食正餐都要食呀！

text-william photo-billy

為港人所共知的滿記甜品，剛在元朗YOHO MALL開設旗下全新品牌Sweetish by HONEYMOON DESSERT，開揚格局加上木系用色，走年輕人路線，主打全新設計的甜品。新店甜品打頭陣，要數魔鬼系列。邪惡重口味的Dessert Pizza，Topping有香濃Nutella加香蕉、熱溶棉花糖，甚至榴蓮芝士等，甜批當甜品，食完好罪疚。倘若對自己身形有慈悲之心，店方亦有天使系列乳酪，用營養低卡的希臘乳酪及奇亞籽作材料，加上各種水果，解甜癮都不用為卡路里操心。

邪惡Dessert Pizza 榴槤芝士最搶

（由左至右）榴槤芝士薄餅、草莓棉花糖薄餅、鮮雜果薄餅、香蕉榛子朱古力薄餅　各$48

榴槤芝士薄餅 $48

麥香餅底鋪滿金枕頭榴槤肉，混合吉士忌廉芝士醬，灑上mozzarella芝士再烤焗。最重口味組合，不是人人受落，但小弟是榴槤控，真心覺得好食，餅底香脆，榴槤加拉絲芝士，不但搭配，味道更相輔相乘，香濃榴槤味就似重鎚，一撃打到味蕾之上。

草莓棉花糖薄餅 $48

DessertPizza另一主打，批底由Nutella加上熱溶棉花糖為基底，再於雪白棉花糖上唧上忌廉，鋪上朱古力醬和新鮮草莓，看似幸福滿點，其實內裡同樣邪惡。

守護身形天使乳酪樽

（左）彩虹雜莓乳酪樽 $42、（右）陽光紅柚乳酪樽 $42

為何是天使？相比重甜度重口味的魔鬼Dessert Pizza，超級乳酪樽就以歐美近年大熱的Super Food——希臘乳酪做基礎，乳糖較少，更高蛋白質及鈣質，加上水果、燕麥和奇亞籽（即黑珍珠），低脂低卡，高纖有營。一樽吃畢，又有厚重的飽腹感，keep fit必備。口味方面，（左）彩虹雜莓較大路，而（右）陽光紅柚材料有黃桃、青紅蘋果和紅柚，酸中帶甘，食味更豐富。

內容延讀：

PMQ美食車10大推介必食欣宜麻辣雪糕曲奇

濕疹人士必飲！7款湯水食療

脫毒止餓Smoothies

非常檸荔　$36（ 234卡路里）

Sweetish 特別推出的健康生果特飲，均由鮮果加入希臘乳酪打成，每杯少糖少甜，店家更細心地幫你計埋每杯卡路里，飲得放心。荔枝味香甜，帶青檸酸爽，冰凍的夏日口味。

抗氧奇蕉　$36 （230卡路里）

香蕉夠飽肚，加上含豐富抗氧化維他命C和纖維素的奇異果，有時lunch不想食太多，或者下午茶出來「蛇王」，小小的一杯就夠。

買走心心眼蛋糕

Rose Angel　$45/件、$380/個

Sweetish新推出的不只是邪惡甜品榴槤芝士薄餅，蛋糕同樣令人注目。以玫瑰花做主題的Rose Angel，鬆軟的海棉蛋糕夾著酸甜草莓醬，口感輕盈不油膩。蛋糕上放了數片玫瑰花瓣，樣靚之餘又浪漫，女朋友生日收到一定心心眼。

Rainbow Cake　 $45/件、$380/個