【時代廣場高達回歸】 Unicorn Wing 1:3巨型高達8月現身

【高達返嚟啦！】呢個唔係CCTV嘅軍事新聞報導，而係千真萬確嘅消息！8月1日至31日，銅鑼灣時代廣場將再次成為高達嘅基地！時代廣場高達回歸！

商場嘅露天廣場將會放置7.5米高、1:3 size嘅Unicorn Gundam，據講花咗足足1年時間製作，而且每晚6點至10點，每半個鐘重有燈光及螢幕表演，帶你有如置身戰場！

對Unicorn Gundam唔太熟識？唔緊要！因為上到去商場2樓，就會見到全球首次展出人氣高企嘅1:3 Wing Gundam，呢隻9.5米高嘅高達，據講係根據Perfect Grade嘅模型為藍本，所以非常仔細。今次Wing Gundam將會懸掛喺商場半空，真係「型到飛起」！大家亦唔好錯過商場鐘樓上嘅「渣古頭」，以及2米高《高達創戰士》主題展區！

嫌預想圖嘅時代廣場高達唔夠真實？咁就要密切留意《New Monday》，我哋將會貼身追撃高達行蹤！

Text-Oscar