9條滑水梯 首個衝浪機 新水上樂園2018有得玩人人變木村
廣告
「我心咁興奮~個個歡樂笑嘻嘻」呢句經典廣告歌，你記得嗎？
小編中學時期一放暑假就會同大班同學，男男女女（有女呢part最緊要！）一齊去海洋公園水上樂園玩餐飽，最記得2件事：1.第一次唔見銀包；2.同學仔條三角泳褲瀡到穿了個窿仔，笑料！可惜，那麼好玩的水上樂園到99年就同我們說了再見。
真的有機會再見！海洋公園今日正式宣布，新水上樂園會於今日動土，預計18年下半季有得玩，整個樂園以梯田概念設計，設有27個室內及戶外景點同設施，你最期待瀡穿泳褲的滑水梯都有9條，重有香港首個衝浪模擬機，你真係可以踩住滑浪板滑浪，wow~~人人都可以變木村拓哉！
text – singh photo – 部份由海洋公園提供、網上圖片
地盤今日正式開工，耗資約8億4,200萬港幣，為本港創造了2,900就業機會，絕對好事，祝順順利利，我條新泳褲等緊你！
最後整理個懶人包資料過你（其實打到這裡先剛收到press release，頭先係記者現場俾料我的，所以crop埋俾你們啦XDD）：
每日最高總人次為 10,500 名遊人
同一時間最高可容納 7,000 名遊人
3 層分別以「珊瑚」、「洞穴」和「海灘」為主題的設計空間
共設有 27 項室內及戶外景點和設施,包括:
香港首次面世的衝浪模擬機,讓遊人踏上滑浪板一嚐衝浪滋味
2 個大型造浪池——1 個戶外造浪池、1 個室內全天候造浪池
戶外瘋狂河流——遊人可於 3 分鐘內盡享多項互動水上體驗，並在無邊泳池區域欣賞一望無際的海景
室內悠閒河流——遊人可坐在水泡上享受 7 分鐘悠閒水上之旅
9 條不同設計的動感水上滑梯
2 個度假式帳篷區
2 個適合小朋友遊玩的景點,包括 1 個幼兒嬉水池、1 個內有 5 條迷你滑梯和其他玩水設備的主題遊戲設施
5 個餐飲選擇
2 間零售店
1 個表演舞台
