盤點《Tinder詐騙王》常見土豪式渣男穿搭最愛穿大Logo Tee或Monogram Pattern

NETFILX紀錄片《Tinder詐騙王》最近成為人氣話題，內容關於一名女子於交友軟件上遇到一名自稱富豪嘅男人，呢位渣男扮演過著奢華生活，繼而去呃唔同嘅女性。至於劇中男主角名為Simon Leviev，一身土豪式渣男穿搭，身上均為充滿俗味嘅單品同名錶，感覺極度bad taste。之不過，現實中又真係唔少渣男鍾情呢種土豪式穿搭，今次我地就特別為各位盤點一下渣男最愛穿法，大家睇睇身邊有冇朋友都係咁？

《Tinder詐騙王》常見土豪式渣男穿搭

Tinder詐騙王 Tinder大騙徒 — （圖片來源：《Tinder詐騙王》劇照）

1.大大個logo 或 Monogram pattern

有睇過《Tinder詐騙王》唔難發現Simon Leviev極愛著大Logo衫或Monogram款，目的當然好明顯，就係要話俾所有人知自己著名牌，著好貨！不過呢種穿搭確實係相當bad tastse，因為真正有品味嘅人會比較著重quality多於想show off自己著乜，而唔少渣男想展示自己係有錢仔往往會著都咁，但只會弄巧反拙。大logo或Monogram pattern唔係話唔著得，偶爾一件半件作mix & match係唔錯，但full gear就真係太over啦。

2.名牌大logo皮帶

名牌大logo皮帶可謂係唔少渣男必備單品，因為價錢相比其他名牌單品較為低，不過往往好容易出事，大Logo皮帶喺配襯一少少出事的話，絕對會毀滅整個造型！例如配襯其他大logo嘅單品，立刻俾人一股強烈show off同太loud嘅感覺。建議要買名牌皮帶時，儘量揀一啲低調卻有特色皮帶款，例如有品牌經典元素卻唔會太高調嘅設計，如POLO Ralph Lauren最近推出嘅POLO Bear皮帶。