TASTELESS HAT CO. 本物派系帽

潮流界正上演1場派系鬥爭，兩邊陣營分別係本格同時裝，後者個勢較強，全因韓國潮流如日中天，各位開始忘記本格紳士嘅韻味。本地設計師Yuman Ng搞嘅帽牌TASTELESS HAT CO.，似乎係為本格派打氣。呢系列帽全以百分百羊毛製作，設定完全忠於紳士系，市場已少見，本物友務必支持！又不過，雖然而家啲後生仔剩係識跟GD玩hi-street造型同着AJ波鞋，但其實你又睇下Pharrell Williams將紳士帽襯「街着」一樣好睇，大家不妨都mix & match下。