街頭驚揭「＄200叫G餐」網民：逐樣同你計架！

＄200「開心叫G餐」網民：搵食艱難！

網民昨日（22日）於facebook群組出post，指自己經過廟街時聽到一位阿伯走去問一位站於大廈樓下著得非常性感的姐姐「200去唔去」，然後就齊齊上樓，感嘆世風日下人何價，並放上兩張照片。此post一出，即引起網民熱討，唔少網民都對於＄200呢個價位感到驚訝「原來兩舊水可以叫到G」「二百行上樓咋？！」「按腳呀」「做特價？」「頂爛巿」「人哋搵食咁艱難」有網民就分析因為睇死阿伯會「派報紙」「條女睇死阿伯派報紙。所以2嚿都做佢。」「二百蚊15分鐘內你要搞掂，完全無服務可言，又無涼沖」「50路嚟差唔多啦」仲有網民分析後果嚴重「爽一次隨時俾多100倍金錢都醫唔返」亦有網民大鬧呢位影相的人「好心就唔好影相啦」「大家男人，明白有生理需要喇」「成日咁比人影，仲有人敢上去?」

重溫《一線搜查》派梁皓恩到荃灣河背街了解流鶯實況

流鶯流連荃灣河背街 居民曾被搭訕

近日不少居民都表示荃灣街頭出現大量流鶯，開電視派梁皓恩等人了解情況。不少居民在接受訪問時表示流鶯作風越來越大膽，過往只會在網上出現的流鶯，近日都會在白天主動向居民搭訕。雖然流鶯的衣著打扮不會太暴露，但依然有部分流鶯都會打扮性感，吸引客人。

其中接受訪問的沈先生亦大呻每次都要耷低頭去買餸，否則流鶯會誤會，繼而用眼神或言語兜搭自己。沈先生亦表示流鶯們所流連的河背街附近有不少學校，所以一眾居民都十分擔心學生的心智發展。

男工作人員一上樓被要求即刻瞓低

為了更加了解流鶯的操作，《一線搜查》的其中一位工作人員主動向流鶯搭訕。其中一名流鶯警覺性十足，一直懷疑男工作人員的身份，最後更直接離開現場。其後工作人員向另一流鶯搭訕，該流鶯馬上邀請工作人員上樓。上樓後，流鶯無視工作人員事前洗澡的要求，一直堅持要求對方瞓低，流鶯表示：「你做完要沖可以沖，宜家唔洗！」

流鶯企到硬「呢度係快餐，唔係一樓一」

流鶯一直拒絕工作人員洗澡的要求，工作人員亦借衛生理由要求離開。流鶯竟然要求工作人員要同樣支付金額：「都係一樣要俾錢。我呢度全部快餐都係你做完要沖比你沖，如果你做之前又沖，做完又沖，邊有咁多沖。呢到唔係一樓一，有啲人來同走都都唔沖。入嚟走10分鐘，最多15分鐘。」，立場十分強硬！