逐流時代︳陳雅麗Allie Chan俾人派街招 怒轟小3：姣西一個！
陳雅麗Allie被數臭3大罪：專做人小3
一直係內地發展，近年轉戰香港，曾被讚為嫩版劉嘉玲的陳雅麗Allie，被派成地街招，題標大大隻寫係「姣婆陳雅麗」，內容出晒樣同IG名，介紹陳雅麗係「TVB茄喱啡」，更力數佢3大罪，1指佢鍾意痴住啲有錢人、釣金龜，2係專門做人小3「拆散人家庭當飯食」，3係姣西一個。有網民睇完即上Allie ig 留言想Allie回應此事，不過暫時Allie就未有任何回應。亦有網民力撐陳雅麗，指只係看圖說故事，陳雅麗並唔係隸屬TVB，而且連個「尊」字都寫錯，可信性低「呢條女唔係大台架喎…..」「拍過電視就TVB」「其實寫條友係咪唔鍾意TVB」「任何人同事只要加上tvb就可以即發仇恨」。而男方就並唔係咩藝人KOL，未知2人是否有關係，只係狂數佢經常喺中環蘭桂坊出沒，自稱「蘭桂坊usb」，叫女士們小心，有網民亦爆料「的而且確成日係中環蒲，幾年前逢星期五六蒲，xx一定會見到佢，近排就轉左中環啲樓上bar」
陳雅麗拍網劇《逐流時代》
現年34歲陳雅麗於網劇《逐流時代》飾演一名大律師，同黃又南首次合作，是一對鬥氣冤家，已經入行10年的陳雅麗，早前一直在內地發展，《逐流時代》是首度拍攝港劇。
香港大學畢業後到北京讀電影 為慳錢日使10蚊
陳雅麗香港樹仁大學畢業，讀書時已做模特兒，畢業後即簽約電影公司準備入行做演員，卻獲老闆提議去北京電影學院讀書，希望她能更融入當地文化，以便日後發展。為免將來後悔，她毅然選擇隻身到北京發展，第一年只能靠做模特兒時期的儲蓄過活，幾乎日日都要食杯麵，甚至逼住自己一日只可花10蚊。
曾拍電影《西遊記》演大力妹
2012年，陳雅麗正式出道，演出首部電影《潘多拉的寶劍》，但最為觀眾熟悉的，是她在2018年電影《西遊記·女兒國》中的演出，她在片中飾演女兒國國王的手下「大力妹」，同郭富城、梁詠琪、苑瓊丹、羅子溢等合作，她直言最多謝苑瓊丹好照顧她這個後輩，除了教她演戲外，又和她分享自己的人生經歷。
