港女有正印再一拖三 大呻：其實我都有好多苦衷！
廣告
現今社會發達，要出軌偷食比起以前來得更易，一人隨身都可能袋著多過一部電話。而網上聲音一向都會討伐男性出軌，不過如果性邊調轉變成女性出軌的話，你又會點睇呢？
港女有正印再一拖三 大呻：其實我都有好多苦衷！
一名港女近日在Dcard上以「來自真實出軌者的真心話」發文，當中提其自己出軌是有苦衷，並指一直都好內疚。然後她就描述自己現時「一拖三，其餘2個唔係男朋友嘅關係」。之後更解釋出軌是因為：「佢哋俾到男朋友無嘅野我。」。
矛頭指向正印性格差
之後該名港女繼續解釋，指出正印存在的問題，當中包括：脾氣暴躁、經常指揮事主、經常鬧事主、一直不關心對方、完全無心靈交流、沒有任何承諾以及冇錢。事主直言：「呢段關係根本就唔健康」。
港女：無人保證真係100%忠誠
事主都解釋自己其實好想分手，但一直沒有勇氣。雖然知自己是渣女，但都冇計！之後她都指自己一直都是一個性格正義的女仔，熱愛見義勇為，又指自己曾與朋友傾訴過「一拖三」的問題，發現很多模範情侶都會「各自各偷食」，又指沒有人能夠100%忠誠。事主都有再解釋指一直分手是因為：「想嘗試做返個好人，重回正軌，希望可以做返個真正嘅女朋友，再斷哂所有桃花。」
網民大讚：時間管理大師
其文章引起網民的廣泛討論，大部分網民都炮車事主的「渣女格」，直言：「原來要出軌真係會大條道理」、「你好搞笑呀 唔敢講分手但敢出軌」。有網民又笑稱事主為「時間管理大師」，能夠一拖三確實不容小覷。亦有網民以：「心動係本能，忠誠係選擇」作總結，認為事主只是不選擇去忠誠。
原文刊於Dcard
圖片來源：劇照
