【 小米 】開機廣告直播到尾 廣州用家狠言唔改善就告小米
廣告
大家生活上經常會遇到廣告，特別係睇網上影片或者電視嘅時候，但網上影片通常都會提供跳過功能，唔會強迫用家硬食，電視廣告亦會喺休息時段出現，未至於會出現強制硬食嘅情況，但今次喺中國就出現呢個情況，有用家表示買咗部電視返嚟，一開著部機就自動彈廣告，重要硬食多達30秒先入到正題，想跳過都已經硬食咗一段長時間，大放狠言再唔改善就提告小米。
撰文：odin | 圖片來源：thepaper
【小米】開機廣告直播到尾
過年期間國內唔少人都紛紛換電視，曾經有國內小米用家花費2899元買咗部65吋小米電視畀雙親，喺收到電視之後發現，每次開機都會出現長達30秒嘅開機廣告，：「廣告什麽內容都有，大多數都是商業廣告，只有看到最後5秒才能跳過，但都已經被迫觀看25秒了。」事後呢位小米用家聯系小米客服詢問，被告知電視嘅開機廣告並唔可以設置取消，只可以喺最後5秒嘅時候透過遙控器返回掣進行「跳過」，客服重表示：「目前在售的(小米品牌電視)基本都有(開機廣告)。」同樣情況出現喺市面主要嘅12款國產智能電視品牌，例如：小米、創維、海信、長虹等都設有開機廣告，小米只有一款售價49,999元人民幣嘅型號不設開機廣告，其餘平均都有15至30秒嘅開機廣告時間。
【小米】廣州用家狠言唔改善就告小米
四川一位用家亦指出一直備受智能電視開機廣告困擾，佢表示2018年使咗8000幾蚊買咗部夏普牌智能電視，但當2020年年底一次電視系統自動更新之後，原本開機時只會出現品牌標誌嘅開機介面，而家變成咗播放商業廣告嘅開機視頻，佢表示：「電視機是我花錢買的，又不是品牌免費贈送的，為什麽突然間就被增加了廣告？而且沒有任何人告知消費者，感覺家里的電視成了廣告屏。」佢曾多次聯絡夏普品牌官方客服，要求取消開機廣告或設置一鍵跳過均被告知無法操作。廣州一名市民向媒體投訴，指家中一台一次性買斷的小米智能電視每次開機前都強制播放 30 秒廣告，擔心將來是否所有智能家電開機前都要播廣告。因為開機廣告的問題，該名市民現正準備起訴小米公司。
