iPhone 12 mon貼邊隻最好？ 香港芒貼懶人包 iPhone 12 Pro、 iPhone 12 Mini適用！

撰文：Odin ｜圖片來源：蘋果｜編輯：Easy

iPhone 12 mon貼邊隻最好？

Belkin UltraGlass Privacy 螢幕保護貼 for iPhone 12($348)

呢款 apple 官方推出嘅mon貼採用德國工程技術， mon貼使用鋰矽酸鋁(LAS)提供更出色嘅強度和彈性，抗刮能力甚至係一般mon貼兩倍，重點佢只有0.29毫米薄，加上全方位防窺功能，搭緊車碌facebook或者網頁都唔怕畀附近啲八卦仔女偷望到。

購買連結

Hoda 手遊專用霧面磨砂防眩光保護貼($160)

如果你係手遊迷成日拎部手機嚟打機嘅話，呢款Hoda手遊專用霧面磨砂防眩光保護貼就最適合不過，機友都好明白打機搞到部手機面滿佈痕跡嘅痛苦，有咗佢打完機就唔使下下去抹mon咁麻煩，加上佢窄黑邊設計，全方位保護你部手機，打機都打得特別安心。

購買連結

Hoda 0.33mm 抗藍光保護貼($160)

雙眼對得手機耐容易疲倦，呢款 Hoda 0.33mm 抗藍光保護貼能夠有效減輕雙眼負擔，特別適合長時間使用手機嘅你，加上mon貼只有0.33mm 咁薄貼完都唔多覺，重包埋個操作簡易嘅貼膜神器，自己貼埋不求人夠晒方便。

購買連結

美國康寧授權0.33mm窄黑邊保護貼($205)

呢款由有成150年歷史嘅美國康寧公司開發專屬玻璃材料，製作而成嘅mon貼集多功能於一身，5倍硬度mon貼除咗提供更佳抗刮性保護外，亦能減少跌落地帶嚟嘅衝擊，耐磨及抗指紋功能亦有利於你清潔手機表面。

購買連結

同場加映

iPhone 12非蘋果官方更換鏡頭 隨時整壞機 Apple保養換機方法