iOS 17 正式版上架！新功能10大重點、支援/淘汰裝置懶人包

Q: iOS 17 正式版推出日期是？

iOS 17 正式版已於9月19日正式上架... 詳情請看

iOS 17 正式版丨Apple 蘋果今日（19日）正式釋出iOS 17正式版版本！IOS 17新系統帶來了多項升級重點，包括Journal智慧日記app、NameDrop、Live Voicemail、安全通報等全新功能。想知有咩新功能及點用，New Monday為大家整理 Apple iOS 17 正式版懶人包，即睇iOS 17有咩驚喜位！

–

iOS 17 正式版目錄

1. iOS 17丨正式版下載
2. iOS 17丨新功能
3. iOS 17丨支援裝置、淘汰名單

–

iOS 17丨正式版下載

步驟一、登入已註冊的 Apple ID 裝置
步驟二、進入系統設定頁＞一般＞軟件更新＞升級至 IOS 17
步驟三、依指示下載隨即能升級IOS17 Public Beta

回到目錄

–

iOS 17 正式版上架！新功能10大重點、支援/淘汰裝置懶人包

iOS 17 新功能丨1. 個性化來電者名片

IOS 17「電話」app再次進化喇！喺iPhone度打電話嘅體驗變得更上一層樓。依家你可以自己DIY「個性化來電者名片」，當你打比已知嘅朋友時，可以有自己嘅特色出場方式！唔止係原裝app，其他通話軟件都通用。想更有型？你都可以揀靚啲嘅相、用Memoji，再配上啱心水嘅字體同顏色，整出屬於自己嘅名片喇！快啲試下呢個新功能！

AI繪圖 iOS 17 WWDC 2023 懶人包 WWDC 2023 — （圖片來源：Apple）

iOS 17 新功能丨2. Live Voicemail：留言信箱轉換文字

留言信箱亦能夠即時轉換成文字，讓你得知該通電話是否重要。

iOS 17 新功能丨3. FaceTime留言：以影片形式留下訊息

IOS 17 全新FaceTime帶嚟咗一堆新功能，真係好實用又有趣！如果對方未有接，你而家可以留言話畀佢知你嘅心情！當你通話嘅時候，可以用「反應」功能，只要小小手勢，即刻彈出心心、煙花等反應，Zoom或Webex都得架！最勁係，如果你想係家裡嘅大螢幕上同親朋好友FaceTime，可以透過「相機接續互通」功能喺iPhone開始，然後「接手」轉去Apple TV，亦都可以喺Apple TV直接視像呀。而且有「人物置中」功能，哪怕你喺屋企跑嚟跑去，都會確保你完美咁出現喺螢幕上！太讚啦！

iOS 17 新功能丨4. 一鍵生成Stickers原況貼圖

你係唔係鐘意添啲自己嘅style喺訊息裡面？新玩意「原況貼圖」等你show下自己！透過「智慧退地」，能夠將相簿或者Live Photo都變成自己想要的Stickers，你可以揀自己嘅相片，然後提取出主角，整成貼圖！更加有趣嘅係，你還可以加啲特效喺貼圖上，令到每張貼圖都充滿生氣，唔單止係圖片，仲可以係你嘅創意喇！快啲試下，同friend分享下你嘅獨特貼圖啦！

iOS 17 新功能丨5. AirDrop以及NameDrop：NFC交換聯絡人

新功能「NameDrop」只要將兩部iPhone放埋一齊，就可以快速分享聯絡資料同「個性化來電者名片」。而家你仲可以方便地同身邊嘅人分享內容，或者啟用「同播同享」功能，大夥兒一齊聽歌、睇戲或者玩game！如果你行遠啲，未來「AirDrop」會支援網絡傳輸，等你可以繼續分享，軟件更新即將到嚟！快啲試吓！

iOS 17 新功能丨6. 橫向時鐘顯示

將iPhone橫向充電時，將會與Apple Watch一樣出現橫向時鐘顯示，並且同樣會出現自定義的各種小型Widget，而且更能隨著燈光的改變，去自適應其亮度

iOS 17 新功能丨7. 全新「Journal」智慧日記app推出

新功能「Journal」提供日記體驗，讓用家能夠圖文並茂地記下自己希望記得的那一刻。你唔洗擔心寫啲咩，因為「日記」會根據你啲相片、聯絡過嘅人、去過嘅地方、運動紀錄等提供智能建議，令你更容易開筆。設定提醒，養成寫日記嘅好習慣！最鍾意嘅係，你可以為「日記」上鎖，確保私隱受到保障，即使係Apple都睇唔到你嘅內容！開發者都可以利用「日記建議」API，加入自己嘅app裡面。新功能即將推出，等緊你嚟試！

iOS 17 新功能丨8. iMessage 報平安功能

去邊度都唔想家人朋友擔心你？「iMessage 報平安」就做到！內置於「訊息」app裡面，當你想話俾人知你平安到達目的地，呢個功能就幫到你。一開「報平安」Check in 功能，你啲摯愛就會自動知你到咗邊。如果你係途中有啲問題，呢個功能會安全地傳啲實用資料比已選嘅聯絡人，例如你部手機嘅位置、電量同埋網絡狀態等等。讓親朋戚友放心，你就放心！快啲開啟「報平安」，出門唔怕啦！