兩分鐘學會iPhone隱藏功能教學！ 一學即識/圖案自動變靚啲

新蚊跟住做｜兩分鐘學會iPhone隱藏功能教學！ 一學即識/圖案自動變靚啲

iPhone有好多唔同功能的小技巧，可以令你日常生活更加方便，今次就同大家介紹呢樣簡單截圖小技巧，畫完圖案即刻可以自動美化，整個流程熟習咗之後，幾秒就可以完成，一齊睇睇！

1.首先將所需畫面進行截圖。

2.然後按左下方「截圖」圖案。

3.點一下上方「筆」掣。

4.再於下方選擇所需筆型及顏色。

5.再於截圖內畫出所需圖案，畫完後按實圖案1秒鐘，就會自動將圖型美化。

6.圖案包括：「心」及「星」形，直線或曲線的箭咀，基礎幾何圖形等。

7.想移動所需圖案的話，只需在下方選擇所需筆型及顏色位置中，點選「選取工具」圖案即可進行移動。

8.亦可在下方選擇所需筆型及顏色位置裡面，選擇「間尺工具」即可輔助你畫直線。

9.如果想將圖片中文字copy出來，只需在截圖後按一下「右下方」的三橫掣，即可進行剪下貼上。