Word教學｜3步驟用Word超輕易整到勁靚網頁！Present slide絕無問題！

Word教學｜用 Word 超輕易整到勁靚網頁

Microsoft word主要用嚟處理文件大家都知用㗎啦，但依家嘅Microsoft word已經進化到撳幾個掣就可以變成一個網頁，想輕鬆又快捷咁整好，首先就要準備好要介紹嘅內容以及相片 / 影片啦！

Word教學｜步驟1. 轉換為網頁

先去「檔案」再撳「轉換」，就有「轉換為網頁」呢個選項，入面有好多唔同嘅「樣式」俾你選擇，而今次我哋就試吓「工作室」呢個樣式啦！之後佢就會帶係去咗Microsoft sway 網頁程式去整你個網頁㗎啦，超級簡單易用㗎！

Word教學｜步驟 2：自訂心水網頁

步驟 2.1：網頁可自己設計

本身電腦預設未必完全啱你心水，所以大家都可以自訂心水網頁設計，而每一部份都可以改成靚靚大圖做背景，再襯返主題字眼，而圖同字嘅出現仲會有簡單郁動過場，一按右上角個「Play」就可以睇返一入個網頁嘅動畫效果。

步驟 2.2：Set Focus Point重點介紹產品特色

自訂網頁除咗可以改圖、改字之外，仲可以重點介紹產品特式，大家可以喺每張圖上set「Focus point」，「Focus point」按鈕就喺圖片上嘅欄位，按下後就可以按一下圖片想重點放大嘅位置，跟住就會出現一個「綠色點」，然後就可以喺圖片下見到已被放大嘅位置，而「Focus point」可以set多過一個添。

步驟 2.3： 加Video/落Link

如果想加埋product 廣告片嘅話，只要喺「綠色＋號」揀返你想加嘅Media，例如「Video」，之後就拉個Video file落去左手邊果個位就得㗎啦；而加「Link」都一樣好簡單，喺任何一何item 揀返 「Link」個按鈕icon就可以填返你想去嘅網址㗎啦！

步驟 2.4：分享Webpage / 手機版本

完成整個網頁後，想分享出去可以去右上「share」，然後揀返想share嘅模式，有埋link俾你，仲有Visual link畀你Share send email 俾老闆睇，老闆一打開又可以preview埋個Cover圖，簡直就係一舉兩得。

至於手機版本方面就更簡單，大家只要喺手機撳返條share link就可以啦！

Word教學｜步驟 3.轉換至Presentation Slide

想要將成個完整網頁簡單Present一次畀老闆睇亦都可以，大家可以去右上角按齒輪位教返 「Autoplay settings」，就可以較埋停留秒數，仲有三個 layouts 畀你選擇，亦可以 「set loop 」不停重覆，要 Present 或者整個靚 slide show 都完全無問題！

Word教學｜步驟 4：PDF 變成文字

教大家整完網頁，就講多個Word嘅強大功能，就係可以將PDF file轉成文字，做法好簡單：就係將有字嘅PDF file，直接拉入work度，畫面就會彈出小視窗，問你係唔係要轉成work File，答「是」後，成個PDF file就即時轉成work File，咁就可以改字啦！

但如果手上只有用手機拍攝嘅相片，想將相片入面啲字轉成work File做法都唔難，首先就要透過電腦將相片格式轉做PDF （小編就用咗PNG2PDF.com），將本身係png檔嘅相轉做PDF檔，之後再將個PDF檔一匯入word，相中嘅文字就會全部係work上出現。（溫馨小貼士：記得張相係要淺色底深色字，同埋啲文字要影得清楚先得㗎）

Word教學詳情

圖片來源：新蚊跟住做

更多影片：可按此