【Whatsapp】網民：之前撳同意係咪可以取消返？ Whatsapp正式跪低取消條款 轉場避免洩漏私隱！簡易輕鬆刪APP唔留底教學
撰文：odin ｜ 圖片來源：Whatsapp
【Whatsapp】Whatsapp正式跪低取消條款
WhatsApp表明指用戶拒絕在5月15日前接納霸王條款的話，功能將會受到限制，包括無法打開和發送訊息，亦不能打出語音通話，用戶帳號會被視為非活躍，並在120日後移除，距離5月15日限期越來越近，近日多間外媒傳出消息指Whatsapp突然跪低取消條款。消息指：「WhatsApp發聲明，主流用戶已經接納了新的使用條款，他們亦理解部份用戶未曾接納新政策，WhatsApp表明不會在5月15日後刪除拒絕接受新政策的帳號，他們的WhatsApp功能亦不會被削減，但未來數星期依然會持續提醒用戶接納條款更新，所以重未按同意的用戶們，知道應該點做啦！
【WhatsApp教學】簡易輕鬆刪APP唔留底
最近WhatsApp推出新私隱條款要求用戶需要同意將個人資料，分享到Faccebook或者其他旗下公司否則就唔可以繼續用落去，雖然呢條條款經WhatsApp跪低之後暫延至5月15日，但已經有唔少用戶已經跳船離開，既然大家決定走就唔好畀資料繼續保留落去，緊記齋刪App係冇用架！因為你嘅資料依然會被保存，隨時都會有洩漏嘅危機，以下幾個步驟記得跟住做，然後先刪App，咁就萬無一失啦！
【WhatsApp唔留底教學】步驟1.
啟動WhatsApp之後撳一下右上方「3點」＞「設定」。
【WhatsApp唔留底教學】步驟2.
然後選擇「帳號」。
【WhatsApp唔留底教學】步驟3.
選擇「刪除我的帳號」。
【WhatsApp唔留底教學】步驟4.
喺畫面最下方選擇返你綁定號碼嘅「國碼」以及輸入所綁定嘅電話號碼。
刪完係咪完全無問題？
最後緊記決定刪除之後所有個人資料包括頭像、通訊記錄、個人資訊等都會從WhatsApp系統入面刪除，連帶綁定手機上嘅備份都會消失，如果有重要回憶資料需要保留嘅話，記得預先匯出備份去其他硬碟上面。就算你完整刪除所有資料都好，根據WhatsApp官方表示整個刪除過程長達90日，所以呢段時間你嘅個資都未必安全，要刪就要及早行動。
